Marc Fischbach
Vu Wikipedia, der fräier Enzyklopedie.
De Marc Fischbach, gebuer den 22. Februar 1946 an der Stad), ass e lëtzebuergesche Politiker.
De Marc Fischbach huet Droit studéiert a gouf duerno Affekot an Notär. Politesch huet hien sech an der CSV engagéiert a war 1979 bis 1984 Deputéierten am Europäesche Parlament. 1984 gouf e Minister fir Landwirtschaft a Wäibau, Arméiminister, Minister vun der Ëffentecher Verwaltung a Sportminister an der Regierung Santer-Poos I, 1989 Erzéiungsminister; Justizminister a Minister vun der Ëffentecher Verwaltung an der Regierung Santer-Poos II an 1994, an der drëtter Santer-Poos-Koalitioun, Minister fir Erzéiung, Fuerschung a Justiz. An der Regierung Juncker-Poos dann war e vun 1995 bis 1998 Justizminister; Budgetsminister a Minister fir d'Bezéiunge mam Parlament.
Den 1. November 1998 gouf de Marc Fischbach Riichter um Europäesche Geriichtshaff fir Mënscherechter zu Stroossbuerg (bis de 15. Januar 2004). Zënter dem 1. Mee vum selwechte Joer ass hien deen éischte lëtzebuergeschen Ombudsman (och alt Knoutermann genannt).
Hien ass de Jong vum Marcel Fischbach.
