Begga
Vu Wikipedia, der fräier Enzyklopedie.
D' Begga oder Begge vun Heristal (Herstal) resp. vu Landen resp. vun Andenne resp. vu Brabant resp. vu Metz resp. vun Austrasien, och Helleg Begga, gebuer ëm 615 / 620 a gestuerwen de 17. Dezember 692, 693 oder 695 war d'Duechter vum fränkeschen Hausmeier Pippin den Eeleren an der Itta oder Iduberga vun Nivelles. Si war d'Bomi vum Karl Martell, dem Grousspapp vum Karel dem Groussen.
Si huet den Ansegisel vu Metz-Austrasien bestuet, dem Bëschof Arnulf vu Metz säi Jong, aus der Famill vun den Arnulfinger, an huet domatter d'Allianz tëschent deenen zwou Famillen nach verstäerkt. Hiert eenzegt Kand war de spéideren Hausmeier Pippin de Mëttelsen, deen d'Muecht an de Besëtz vun den Arnulfinger an de Pippiniden vereene konnt.
D'Begga huet 690-691, also kuerz virun hirem Doud, nodeems s'op Roum gepilgert war, d'Klouschter Andenne gegrënnt, geleeën un der Meuse tëscht Namouer a Léck. Si gouf och do begruewen.
