Amiens
Vu Wikipedia, der fräier Enzyklopedie.
D'Stad Amiens (Postcode 80000) ass d' Préfecture vum franséischen Departement Somme an der Regioun Picardie. Se huet eng Fläch vu knapp 50 km² an eng 135.000 Awunner.
Amiens ass Bëschofsëtz an Universitéitsstad.
[Änneren] Geschicht
D'Géigend, wou haut Amiens ass, war schonns an der Alsteenzäit bewunnt. Virun de Réimer hunn do Kelte gewunnt, déi hir Siddlung Ambiani genannt hunn (wouraus den haitegen Numm sech entwéckelt huet). D'Réimer goufen hir den Numm Samarobriva (lat.: Bréck iwwert d'Somme) an hu se zu enger vun de wichtegste Stied an der Provënz Belgica ausgebaut. Den Amphitheater hat Plaz fir 15.000 Leit. Am 5. Joerhonnert gouf Amines zu enger Festung ausgebaut, deeër gréisster nërdlech vun den Alpen.
Vum 18. Joerhonnert u war Amiens e wichtegen Industriesite, besonnesch vun der Duchindustrie. Am Éischten, mee virun allem am Zweete Weltkrich, goufen Deeler vun Amiens zerstéiert.
[Änneren] Kuckeswäertes
- D'gotesch Kathedral Notre-Dame vun Amiens, déi wéinst hirer Schéinheet op der Unesco-Lëscht vun der Weltkulturierfschaft steet;
- de Beffroi;
- den Tour Perret, en 100 m héige "Wollekekrazert" (laang deen héchste vu Europa), dee kierzlech mat Fënsteren aus "aktivem" Glas renovéiert gouf, wat bedeit, dass d'Fënstere je no der Luucht baussen ënnerschittlech duerchléisseg a beliicht sinn;
- d' Hortillonnages, eng fréier Supp bei der Stad vun 300 ha, déi vu Kanäl duerchzu gëtt, an op deeër kleng Gäert a Parken ugeluecht sinn;
[Änneren] Bekannte Leit
- Den Astronom Jean Baptiste Joseph Delambre ass do gebuer.
- De Jules Verne huet eng Zäit laang do gelieft, ass do gestuerwen a läit och do begruewen.
