Canberra

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

**Canberra**


Negara	Australia
Negara bagéan	Australian Capital Territory
Dina Madeg	12 Maret 1913
Jembar wewengkon	805,6 km²
Pedunung	325.056 (Sensus 2006)
- Kapadhetan	137,8/km²
Basa	Basa Inggris
Zona	AEST(UTC+10) AEDT (UTC+11)

Canberra kuwi ibukutha Australia kang dumunung ing Australian Capital Territory, 300 km sisih kulon-kidul Sydney lan 650 km wétan-lor Melbourne. Panggonan ing anatarané loro kutha gedhé ing Australia kuwi dipilih taun 1908 minangka kompromi awit anané persaingan antara Melbourne lan Sydney kanggo dadi ibukuthta. Kutha iki dirancang déning arsitek Chicago, Walter Burley Griffin, lan pembangunan diwiwiti taun 1913.

Kanthi pedunung kang cacahé watara 339.000, Canberra dadi ibukutha paling gedhé kapitu ing Australia lan kutha ing dhaérah pedalaman kang paling gedhé. Minangka pusat pamaréntahan, ing Canberra dumunung Gedung Parlemen lan werna-werna kantor departemen. Senadyan mangkono, pusat ekonomi isih ana ing kutha Sydney lan Melbourne.

[sunting] Demografi

Reca wedhus gibas ing kutha Canberra

Ing taun 2003, pedunung Canberra gunggungé ana 323.004 jiwa kanthi kapadhetan 401 jiwa/km², kagolong padhet dibandingaké karo kutha-kutha liyané ing Australia. Sensus taun 2001 nuduhaké yèn 1,2% pedunung Canberra kuwi wong-wong Aborijin, déné 21,6% imigran kang lair ing sanjabané Australia. Klompok pendhatang paling gedhé yakuwi saka negara-negara abasa Inggris, kang paling akèh Britania Raya lan Selandia Anyar. Imigran-imigran liya uga teka saka Jerman, Skotlandia, Italia, lan Vietnam.

Pedunung Canberra akèh-akèhé isih enom lan duwé pendidikan. Umur rata-rata pedunung yakuwi 32 taun lan pedunung kang umur sakdhuwuré 65 taun cacahé 8,3%. Basa ibu kang paling umum yakuwi basa Inggris nanging panggunaan basa liyané kaya basa Tionghoa, Italia, lan Kroasia uga lazim dipigunakaké.