Viðeyjarkirkja
Úr Wikipediu, frjálsa alfræðiritinu
Viðeyjarkirkja | ||
Almennt | ||
Byggingarár: | 1774 | |
Arkitektúr | ||
Efni: | Hlaðið steinhús | |
Kirkjurýmið | ||
Annað: | Friðuð | |
Viðeyjarkirkja er kirkja í Viðey við Reykjavík. Kirkjan er hlaðið steinhús byggt á árunum 1767 til 1774. Danskur arkitekt Georg David Anthon teiknaði kirkjuna. Kirkjan stendur við hlið Viðeyjarstofu. Kirkjan var vígð árið 1774 og er næstelsta hús landsins sem ennþá stendur.
Viðeyjarkirkja er í dómkirkjuprestakalli í Reykjavíkurprófastdæmi vestra. Fornleifauppgröftur hefur sýnt að kirkja mun hafa verið byggð í Viðey á 12. öld og árið 1225 var stofnað þar Ágústínaklaustur en hvatamenn að klaustrinu voru Þorvaldur Gissurarson og Snorri Sturluson.
Í kirkjugarðinum eru grafnir m.a. Ólafur Stephensen stiftamtmaður og sonur hans Magnús Stephensen konferensráð og Gunnar Gunnarsson skáld. Klaustrið í Viðey stóð til ársins 1539 en þá rændu fulltrúar konungsins það. Jón Arason lagði undir sig Viðey, endurreisti klaustrið og lét byggja virki.
Þjóðminjasafnið lét gera upp byggingarnar í Viðey á árunum 1967 til 1979 og árið 1987 undir stjórn Þorsteins Gunnarssonar.