Barack Obama

Úr Wikipediu, frjálsa alfræðiritinu

Barack Hussein Obama yngri (fæddur 4. ágúst 1961) er fulltrúi Illinois í öldungadeild bandaríska þingsins. Samkvæmt heimildum sögudeildar bandarísku öldungadeildarinnar er Barack fimmti bandaríski þingmaðurinn af afrískum ættum sem setið hefur í öldungadeildinni og sá eini sem situr þar á núverandi þingi.

Barack Obama fæddist í Honolulu á Hawaii þann 4. ágúst 1961. Faðir hans, Barack Hussein Obama eldri var skiptinemi þar, en hann kom þangað frá Kenýu. Móðir hans, Ann Dunham kom frá Kansas, nánar tiltekið frá stærstu borg fylkisins, Wichita.

[breyta] Kosningabarátta fyrir forsetakosningar 2008

Þann 10. febrúar árið 2007 tilkynnti Obama að hann ætlaði að bjóða sig fram til þess að vera fulltrúi demókrataflokksins í forsetakosningunum í Bandaríkjunum árið 2008. Obama sigraði í forkosningum demókrata í Iowa 3. janúar 2008 ^[1]. Hann var annar í forkosningunum í New Hampshire ^[2] og Nevada ^[3], sigraði í Suður-Karólínu^[4] og varð síðan annar í Flórída forkosningunum ^[5]. Samkvæmt tölum frá 30. janúar er Obama með 158 kjörmenn af þeim 2.025 kjörmönnum sem frambjóðandi þarf til að hljóta tilnefningu flokksins, sem gerir hann annan á eftir Hillary Clinton með 232 kjörmenn. Línurnar í kosningabaráttunni munu skýrast þann 5. febrúar 2008 þegar 24 fylki Bandaríkjanna ásamt Bandarísku-Samóa munu á sama tíma halda forkosningar sínar. Á þessum degi sem oft er kallaður Super Tuesday mun koma í ljós hver hlýtur 52 % kjörmanna demókrataflokksins.

[breyta] Tilvísanir