Zoroastro
De Wikipedia, le encyclopedia libere
Zoroastro, un del grade inseniantes del Oriente, le fundator del Zoroastrianismo, le qual esseva le religion national del populo Perso-Iranian desde le tempore del Achaemenidae al fin del periodo Sassanide. le nomine Ζωροάστρης es le corruption del forma grec pro le avestan Zarathustra (Modern Persian: Zartosht o زرتشت). Su signification es obscur; ma illo certemente contine le parola 'ushtra', "camello."
[modificar] Evidentia de su vita
Zoroastro esseva jam ben cognoscite in le antiquitate classic como le fundator del famose sapientia del Magos. Su nomine non es mentinate per Herodoto in su designo del religion Medo-Perse (i. 131 seq.). Illo occurre pro le prime vice in un fragmento de Xantho (29), e in le Alcibiades de Plato (i. p. 122), quo lo appella le filio de Oromazdes. Pro scriptores occidental, Zoroastro es sempre le Mago, o le fundator del integre systema de Magia (Plutarch de Is. et Osir. 46 ; Plato loc. cit.; Diogenes Laertius prooem. 2; le passages in Jackson’s Zoroaster, 6 seq.). On alcun vices le appella un Bactrian, e alcun vices Medio o Perse (cf. Jackson, op. cit. 186). le ancienps anque reconta alcun parve punctos in quanto al infantia de Zoroastro e su vita solitari. Assi, secundo Plinio (Nat. Hist. vii. 15), ille surrideva le prime dia de su vita, durante su nascentia, dicto trovate in le Zardus/it-Nãma -- e viveva in le deserto solmente mangiante caseo (xi. 97). Plutarch parla de su relationes con le divin, e lo compara con Lycurgus e Numa Pompilius (Numa, 4). Dio Chrysostom, le contemporario de Plutarch, declara que ni mesmo Homer ni Hesiod cantava del carro e cavallos de Zeus con tante merito como Zoroastro, de qui le Persos diceva que ab le amor al sapientia e justitia, ille se retirava ab le compania del gente, e viveva in solitude in un montania. Le montania esseva consumite per foco, ma Zoroastro escappava sin esser ferite e parlava al multitude (vol. ii. p. 60). Plutarch, basante se partemente sur Theopompus, parla de su religion in su "Isis e Osiris" (cc. 46-47). Ille da un fidel explication del doctrinas, mythologia e systema dualistic del Mago Zoroastro..
Como in le periodo in le qual ille viveva, omne del grecos jam habeva perdite lor ver perspectiva. Hermodorus e Hermippus de Smyrna le pone a 5000 annos ante del Guerra de Troja, Xanthus 6000 annos ante de Xerxes, Eudoxus e Aristotle 6000 annos ante del morte de Plato. Agathias mentiona (ii. 24), con veracitate perfecte que il non es possibile determinar con qualque certitude quando ille viveva e legislava le "Persos", e adde "dice que Zoroastro viveva sub Hystaspes, ma non lo face clar si per iste nomine illes vole dicer le patre de Darius I o un altere Hystaspes. Ma, qualcunque esseva le data sue, ille esseva lor instructor e inseniante in le religion Magic, modificava lor previe costumes religiose.
