Orthodoxia oriental
De Wikipedia, le encyclopedia libere
Le termino (non satisfactori) Orthodoxia oriental se refere a plure traditiones christian orthodoxe particularmente antique. Le ecclesias orthodoxe oriental se separava in le quinte seculo del ample communion, tunc ancora unificate, que se appellava le Ecclesia Un Sancte Catholic e Apostolic, seculos ante le Grande Schisma del dece-prime seculo, in le qual ille grande ecclesia se separava a formar le "Ecclesia Occidental" (catholic-roman).
Iste separation esseva causate in parte per le refusa del ecclesias orthodoxe oriental de acceptar le dogma christologic promulgate per le Concilio de Chalcedonia, le qual assereva que Jesus Christo ha duo naturas, uno divin, e uno human. Le ecclesias orthodoxe oriental es ergo appellate monophysita, benque illos non accepta iste definition, e prefere le termino "ecclesias non chalcedonian".
Le Ecclesias orthodoxe oriental include:
- Le Communion orthodoxe oriental
- Le Ecclesia Orthodoxe Copte
- Le Ecclesia Orthodoxe Armenian
- Le Ecclesia Orthodoxe Jacobita
- Le Ecclesia Tawahido
- Le nove autocephale Ecclesia Orthoxe Eritree
- Le Ecclesia Orthodoxe Indian
Le communion Orthodoxe Oriental es un gruppo de ecclesias intra le Orthodoxia oriental, que es in plen communion le un con le alteres.
Le Ecclesia Assyrian del Est es aliquando considerate un Ecclesia Oriental Orthodoxe, benque illo quitava le Ecclesia Catholic e Apostolic ante le Concilio de Chalcedon.
Le mesme que: Orthodoxismo.
