Hannibal
De Wikipedia, le encyclopedia libere
Hannibal, le filio de Hamilcar, nasceva in Cartagine. Ille sempre reteneva le odio de su patre verso le romanos, e nunquam lo oblidava. Post le prime guerra punic, quando ille esseva expellite in exilio de su patria, ille continuava con su planos pro facer le guerra contra le romanos. Assi, quando ille veniva a Syria, ille demandava a su rege Antiocho si ille poteva persuader le a luctar contra le romanos e diceva a ille iste parolas:
"Al etate de nove annos, mi patre, Hamilcar, durante que ille vadeva a Espania, faceva un sacrificio al deos. Al mesme tempore ille me demandava si io voleva continuar con ille. Me placeva multo audir isto, e io demandava que ille me lassava accompaniar le. 'Io lo facera,' ille me diceva, 'si tu me jura que tu nunquam habera relationes amical con le romanos.' Iste juramento que io dava a mi patre io sempre ha conservate, e nemo odia le romanos plus que io.
Tunc Hannibal con su patre comenciava su viage a Espania. Post multe annos, Hamilcar e Hasdrubal esseva occidite, e le armea voleva que ille lo duceva. Assi, Hannibal al etate de vinti cinque annos deveniva su commandante. In tres annos ille conquireva omne le gente de Espania e recrutava tres armeas grande. Ex illos ille mitteva un a Africa, un altere remaneva in Espania sub le commando de su fratre, e le tertie ille duceva a Italia.
Ille veniva al Alpes, al quales nemo habeva vadite con un armea. Ille occideva le alpicos qui essayava stoppar le. Ille aperiva iste loco a su truppas e lo fortificava. A causa de su effortios, un elephante poteva vader a areas ubi un homine habeva potite reper solmente con difficultate. Ille arrivava a Italia e, post superar Scipione, essayava conquirer Etruria. In iste itinerario ille disveloppava un morbo al oculos, e postea ille non poteva usar su oculo dextre multo ben.
Ille conquireva multe duces e armas roman; e le lista de su battalias es longe. Poste le pugna Cannense nemo poteva contender contra ille in Italia. Quando Publio Scipione finalmente invadeva Africa, su patria le vocava ex Italia pro defender lo, e ille esseva conquerite a Zama. Assi post multe annos le romanos poteva liberar se de periculos carthaginense.
