Hannibal

E Vicipaedia

Hannibal Barca (vel Annibal), filius Hamilcaris fraterque Hasdrubalis, dux Punicus praeclarus erat. Secundum Bellum Punicum gessit ac magna proelia commisit. Pugna apud Cannas maxima e victoriis Hannibalis fuit. Imperatori clades post omnes pugnas in Italia iam erat.

Hannibal, filius Hamilcaris, Carthagine natus est. Odium patris erga Romanos sic conservavit ut numquam id deponeret. Post primum bellum punicum, cum e patria in exsilium expelleretur, non reliquit studium belli Romanis inferendi. Quare, cum in Syriam venisset, Antiocho regi haec locutus est ut hunc quoque ad bellum cum Romanis inducere posset:

“Me novem annos nato, pater meus, Hamilcar, in Hispaniam profiscens, sacrifium dis fecit. Eodem tempore quaesivit a me vellemne secum profisci. Cum id libenter audivissem et ab eo petivissem me secum ducere, tum ille 'Faciam,' inquit, 'si me juras te nunquam cum Romanis in amicitium fore.' Id ius iurandum patri datum usque ad hanc aetatem ita conservavi ut nemo sit qui plus odii erga Romanos habeat."

Tum Hannibal cum patre in Hispaniam profectus est. Post multos annos, Hamilcare et Hasdrubale interfectis, exercitus ei imperium tradidit. Sic Hannibal, quinque et viginti annos natus, imperator factus est. Tribus annis omnes gentes Hispaniae superavit et tres exercitus maximos paravit. Ex his unum in Africam misit, alterum cum fratre in Hispania reliquit, tertium in Italiam secum duxit.

Ad Alpes venit, quas nemo umquam ante eum cum exercitu transierat. Alpicos conantes prohibere eum transitu occidit; loca patefecit ac munivit; effecit ut elephantus ire posset qua antea unus homo vix poterat repere. In Italiam tum pervenit et, Scipione superato, Etruriam petivit. Hoc in itinere tam gravi morbo oculorum adfectus est ut postea numquam dextro oculo bene uteretur.

Multos duces exercitusque Romanos superavit; longum est omnia proelia enumerare. Post Cannensem pugnam nemo ei in acie in Italia restitit. Cum autem P. Scipio tandem in Africam invasisset, Hannibal ad patriam defendendam revocatus, Zamae victus est. Sic post multos annos Romani se periculo Punico liberare potuerunt.