Traballador independente
Na Galipedia, a wikipedia en galego.
Un traballador independente ou freelance é unha persoa que traballa de forma autónoma nunha profesión, ofrecendo o seu traballo a outros ou aceptando encargos deles, normalmente cobrando por traballo entregado e sen vinculación contractual. Os campos onde é común o traballo freelance inclúen o xornalismo e outras formas de escrita, a programación informática, o deseño gráfico, a consultoría, a fotografía e moitos outros servizos profesionais e creativos. A etimoloxía da palabra deriva do termo medieval inglés usado para un mercenario, (free-lance ou lanza-independente), é dicir, un cabaleiro que non servía a ningún señor en concreto e cuxos servizos podían ser alugados por calquera.
A práctica freelance varía moito duns traballadores a outros: mentres algúns requiren aos seus clientes a sinatura de contratos escritos, outros poden realizar o traballo en base a acordos verbais. Algúns freelancers poden proporcionar estimacións escritas do traballo e solicitar anticipos a conta dos seus clientes, mentres para outros isto non é práctico ou necesario. O pago do traballo independente tamén varía moito duns casos a outros: algúns poden facturar por día ou hora de traballo, mentres que outros van cobrando segundo o traballo realizado ou mesmo ao terminar este.
Internet abriu moitas posibilidades para os freelance, especialmente para aqueles que traballan en países con man de obra barata, normalmente dedicados á programación informática e tecnoloxías da información en xeral.
Índice |
[editar] Valoración do traballo dos freelancers
O traballo de freelancer reserva sorpresas tanto positivas como negativas. Entre as positivas podemos citar a liberdade de horario, a flexibilidade de orzamentos e os desafios constantes, provocados polos cambios sucesivos de ambiente de trabalho. No entanto, existen obstáculos algunhas veces como a falta de liquidez financeira, o escaso recoñecemento social e a captación de novos proxectos.
Tense considerado que a maneira mais atnada de evitar estes contratempos é percorrer a un ciclo inicial de planeamento persoal, que incluúa pequenos puntos de verificación ao longo do traxecto. Este planeamento tenderá a ser maior ou menor, de acordo coa área escollida.
[editar] Freelancers na comunicación
Dentro do ramo da comunicación, os freelancer desenvolven funcións como:
- Redactor
- Reporteiro
- Editor web
- Fotógrafo
- Programador
- Xerente de Projetos
- Músico
- Arquitectos
- Ilustradores
- Diretores de arte
[editar] Véxase tamén
- Precariedade
[editar] Ligazóns externas
Rede Freelancer para contratación e venda de servizos profesionais:
- Freelancer European Community
- Freelancenow
- Mercado de Serviços - Conectando Prestadores de Serviços (freelancers, prof. liberais e empresas) e Compradores
- Trabalho Livre - Directorio Lusofono de Freelancers
- Freelancer.online.pt - Países de Lingua Portuguesa (CPLP)
- Trampos.net - Brasil
Resumos para quen desexe seguir carreira freelancer:
