Mikheil Saakashvili
Na Galipedia, a wikipedia en galego.
Mikheil Saakashvili | |||
---|---|---|---|
Nome completo: | Mikheil Saakashvili | ||
Data de nacemento: | 21 de decembro de 1967 | ||
Lugar de nacemento: | Tbilisi, Xeorxia ![]() |
||
Data de falecemento: | {{{datafalecemento}}} | ||
Lugar de falecemento: | {{{cidadefalecemento}}}, {{{paisfalecemento}}} | ||
Partido político: | Movemento Nacional-Demócratas | ||
Cargo(s): | Presidente de Xeorxia 25 de xaneiro do 2004- 25 de novembro de 2007 | ||
Profesión: | Avogado |
Mikheil Saakashvili Saakashvili (en xeorxiano: მიხეილ ნიკოლოზის ძე სააკაშვილი, nado en Tbilisi o 21 de decembro de 1967, é un político xeorxián expresidente de Xeorxia. O 25 de xaneiro sucedeu a Nino Burjanadze, (daquela presidenta en funcións). Saakashvili remplazou nas eleccións do 2004 a Eduard Shevardnadze, trala revolución rosa. Mikheil Saakashvili renunciou ao seu cargo en novembro do 2007, para poder presentarse ás eleccións presidencias de xaneiro do 2008. A actual voceira do parlamento de Xeorxia, Nino Burjanadze é a presidenta en funcións.
Os medios estranxeiros adoitan pronunciar o seu nome como en ruso, Mikhail. En Xeorxia, é comunmente coñecido como "Misha," diminutivo de Mikheil. O seu nome adoita ser transliterado a Mixeil Saakašvili.
Mikheil está casado coa holandesa Sandra E. Roelofs, coa que ten dous fillos, Eduard and Nikoloz. Ademais do xeorxián, fala inglés, francés, ruso e ucraíno.
Saakashvili estudou na Escola Internacional de Dereito da Universidade de Kiev (Ucraína), e ampliou os seus estudos na Universidade de Columbia de Nova York e na Universidade George Washington de Washington. En 1995 entrou a formar parte do partido Unión de Cidadáns de Xeorxia (SMK) creado por Eduard Shevardnadze pasando a ser estreito colaborador e deputado ese mesmo ano.
O 12 de outubro de 2000, Saakashvili convertiuse en ministro de xustiza do goberno do presidente Shevardnadze. Dende ese cargo intentou levar accións contra a importante corrupción da clase política. No 2001, a súa oposición ao seu partido termina por romper a súa relación co SMK, enfrontándose a Shevardnadze.
No 2003 fundou o seu propio partido e preséntase ás eleccións presidenciais de 2003 que foron gañadas por Shevardnadze entre acusacións de fraude. A oposición de Saakashvili aos resultados, co apoio de Estados Unidos, fixo que xurdisen protestas e manifestacións populares masivas pedindo a nulación dos resultados, sendo coñecida como a Revolución Rosa. Finalmente Shevardnadze dimitiu, e, despois dos comicios celebrados no 2004, Mijeíl Saakashvili logrou por maioría a presidencia.
Precedido por:
Nino Burjanadze |
Presidente de Xeorxia
2004-presente |
Sucedido por:
- |