Maribolheras precárias
Na Galipedia, a wikipedia en galego.
O grupo Maribolheras precárias, abreviado ás veces coma MBP, é un grupo activista "queer" coruñés. Os seus compoñentes pretenden un xeito de entender a militancia dentro dos movementos antiglobalización, alternativos e de esquerda que defende que a reivindicación non impide o divertimento. Ademais de celebrar actos antimilitaristas e de liberación homosexual, organizan tamén os chamados maripicnics e Maribingos.
Este colectivo forma unha rede intermitente nas súas actividades, activa e múltipla. No grupo coinciden performers, escultoras, dilleis, alfareiras, fotógrafas, deseñadoras e activistas que denuncian a homofobia, o monopolio do heterosexismo e a precariedade de maneira directa, festiva e radical, buscando un estilo de vida alternativo e espazos propios para o seu desenvolvemento.
En contraposición co movemento LGBT (gais, lesbianas, transexuais e bisexuais), non son un colectivo formalizado nin un grupo de presión, senón que buscan a intervención a través da arte e a sociedade, ó xeito dos inicios do ACT UP. A pesar de que omiten a vía da política oficial (incluíndo redes estatais de colectivos gais, de igualdade ou de política social), en cambio, si pode considerarse que teñen unha actuación política no sentido de que promoven unha denuncia da homofobia, defenden unicamente como lexítima a supervivencia individual e social e reivindican a diversidade.
[editar] Publicacións
- As + perralheiras é unha publicación gratuíta trimestral, que leva editados do número 0 ó 4.
