Gai
Na Galipedia, a wikipedia en galego.
A palabra gai (sustantivo ou adxectivo) é sinónimo de varón homosexual (persoa que se sente atraída sexualmente cara a persoas do seu mesmo sexo). A principal diferenza entre gai e homosexual é a de que as mulleres lesbianas non son gais, pero si homosexuais. Porén, na tradición anglosaxoa, gay ten o mesmo significado ca homosexual, abranguendo tanto homes como mulleres, e adquirindo un matiz máis reivindicativo e menos científico ou clínico.
[editar] Historia
O termo gai foi elexido orixinalmente pola comunidade homosexual de San Francisco para referirse a si, dunha forma positiva e reivindicativa. O seu significado orixinal é ledo, alegre, e procede do francés. O termo homosexual acuñárao en 1869 o escritor austríaco Karl-Maria Kertbenyen, e popularizárao máis tarde o psiquiatra alemán barón Von Kraft-Ebbing.