Fraga, España

Na Galipedia, a wikipedia en galego.

Para outras páxinas con títulos homónimos véxase: Fraga (homónimos).

Vista xeral de Fraga

Fraga é unha localidade e un concello español, de 12.868 habitantes, situado no extremo sudeste da provincia de Huesca, no último treito do Val do río Cinca (a 115 km de Zaragoza e a 25 km de Lleida). O seu municipio con 435 km2 de área é un dos máis extensos de España. É cabeza do partido xudicial homónimo e capital da comarca do Baixo Cinca. Oficiosamente é considerada a capital da Franja de Ponent

[editar] Clima

Fraga tén un clima mediterráneo continentalizado, cunhas temperaturas medias anuais de 14,7º C e un promedio de precipitacións de 384 mm, que se rexistran na primavera e, nomeadamente, durante o outono.

[editar] Historia

O territorio onde se asenta Fraga pertenceu en época prerromana ao pobo ibérico dos ilergetes. Durante a dominación romana pasaba por aquí a vía que unía Zaragoza con Tarragona. Aínda que se ten defendido que Fraga era cidade dita Colonia Gallica Flavia, non hai probas que o confirmen. A partir do século VIII a comarca pasou a formar parte do Al Andalus, e a cidade foi coñecida como Medina Afraga. Foi tomada polos cristiáns, dirixidos por Ramón Berenguer IV o 24 de outubro de 1149.

[editar] Xeolingüística

Fraga pertence á área lingüística catalano-occidental. O idioma catalán utilízase na cidade e arredores, pero non con igualdade fronte ao castelán que domina. Só moi recentemente se autorizou o ensino de catalán nos niveis primario e secundario.

[editar] Economía

A cidade constitúe un importante centro do sector servizos, que ocupa un terzo da poboación activa. O sector primario da comarca está especializado no cultivo de froiteiras, especialmente figueiras.

[editar] Patrimonio monumental

Igrexa de San Pedro, románica, do século XII, asentada sobre a antiga mezquita.
Pazo Montcada, da familia dos señores da cidade.
Torre dos Frades, do século XIII, que se coida construída polos templarios.
Castelo medieval, con as ruínas da igrexa de San Miguel.
Museo Salvador Sabaté, con obra dese pintor catalán, afincado na cidade.
Nos arredores a romana Villa de Fortunatus.