Consello Soberano de Asturias e León

Na Galipedia, a wikipedia en galego.

O Consello Soberano de Asturias e León foi unha institución política soberana e independente proclamada en Xixón o 25 de agosto de 1937 baixo o transfondo da Guerra Civil Española.

Os avances das tropas do xeneral Franco na fronte norte tomando Santander, levaron ás autoridares republicanas en Asturias a declarar soberano e independente da República española ao Consello Interprovincial de Asturias e León coa intención de volver integrarse nela "á vista dos acontecementos favoraveis que se produzan durante curso da guerra".

Índice 1 Contexto 2 Declaración de soberanía 3 Reaccións políticas 4 Organización 5 Tras a caída 6 Cronoloxía 7 Bibliografía 8 Ligazóns externas

[editar] Contexto

A situación de aíllamento da fronte do norte, a 200 kilómetros en líña recta das posicións republicanas máis próximas, coa subseguinte escasez de abastecementos bélicos e alimentarios, propiciou que poderes locais asumiran funcións que eran competencia do goberno da República, coma o mando das milicias ou a acuñación de moedas. En Asturias, onde a UXT e a CNT tiñan unha grande implantación, vivírase unha especie de revolución de carácter socialista con tintes libertarios.

[editar] Declaración de soberanía

O 24 de agosto firmase o decreto que establece a soberanía dos territorios administrados polo Consello Interprovincial de Asturias e León pasando a ser entón o Consello Soberano de Asturias e León. O 26 de agosto sairía publicado na prensa dito decreto. Adoitase dar a data do 25 de agosto como a que entrou en vigor a declaración de soberanía do Consello.

[editar] Reaccións políticas

O Consello Soberano −que se atribuira poderes que eran competencia única do Goberno da República− presidíao Belarmino Tomás e nel estaban representadas as diferentes organizacións políticas e sindicais do bando republicano en Asturias como a FSA-PSOE, a CNT, a FAI, a JJLL, a JSU, o PCE, a UXT e Izquierda Republicana. Unha parte destas organizacións da Fronte Popular criticará a actuación, calificando a idea de perxudicial, antiunitaria e cantonalista.

A idea do Consello Soberano era apoiada por Belarmino Tomás e a maioría de dirixentes do PSOE, así como por Segundo Blanco e outros responsaveis da CNT. O PCE criticou a decisión. Rafael Fernández, secretario xeral das federacións asturianas do PSOE e a JSU, condenou o decreto e a soberanía. Os dous representantes da UXT tiveron unha opinión diferente cada un. Os conselleiros de Izquierda Republicana reprobaron a decisión.

As tiranteces creadas levaron a enfrontamentos entre algúns conselleiros que en ocasións chegaron aos insultos personais. O Goberno da República censurou a actitude do Consello Soberano, sobre todo cando este se dirixiu á Sociedade de Nacións. O Ministro da Gobernación transmitiu a Belarmino Tomás "a súa sorpresa e o seu disgusto".

[editar] Organización

Cargo	Nome	Organización
Presidencia e Guerra	Belarmino Tomás	PSOE
Industria	Segundo Blanco	CNT
Traballo	Onofre García	FAI
Sanidade	Ramón G. Posada	JJ LL
Facenda	Rafael Fernández	JSU
Xustiza e Orde Público	Luis Roca de Albornoz / Rafael Fernández	JSU
Agricultura	Gonzalo López	PCE
Mariña Mercante	Valentín Calleja	UGT
Pesca	Ramón Álvarez Palomo	FAI
Instrucción Pública	Juan Ambou	PCE
Obras Públicas	José Maldonado	Izq. Rep.
Asistencia Social	Maximiliano Llamedo	CNT
Comercio	Amador Fernández	PSOE
Comunicacións	Avelino Roces	UGT
Propaganda	Antonio Ortega	Izq. Rep.

O Consello Soberano, ao que se lle coñeceu popularmente coma o Gobernín, dividiuse en cinco comisións que agrupaban cada unha varias consellerías:

• Comisión militar: Delegado do Goberno e Presidente do Consello, Xefe do E. M. do C. de Exército, Industria, Instrucción Pública e Traballo.
• Comisión de Abastecementos, Evacuación e Transportes: Comercio, Pesca, Mariña Mercante e Obras Públicas.
• Comisión de Xustiza, Orde Público, Propaganda e Comunicacións: Facenda, Comunicacións e Propaganda.
• Comisión de Asistencia Social e Sanidade: Asistencia Social e Sanidade.
• Comisión de Economía: Agricultura e Xustiza.

Á dereita podese ver unha táboa coas distintas consellerías, os seus titulares e a organización á que éstos pertencían.

Así foronse organizando os distintos servizos da administración ata que chegou o momento da evacuación na noite do 20 de outubro de 1937. A última reunión do Consello Soberano celebrouse o mesmo día 20 de outubro pola tarde. Ao día seguinte, as tropas do bando nacional entraban en Xixón.

O Consello Soberano emitiu billetes divisionarios ao non existir moeda suficiente debido ao aillamento no que se encontraba Asturias. Estos billetes foron coñecidos popularmente como belarminos.

[editar] Tras a caída

A caída de Asturias propiciou ao bando nacional a posibilidade de enviar as tropas que tomaran parte nesta campaña a reforzar outros frentes e permitiulle contar coas industrias e recursos coas que contaban esta rexión. No bando republicano analizaronse as consecuencias que provocaron a pérdida do norte, como mostra o artígo titulado ¿Por qué se perdió el Norte? publicado en El Socialista o 30 de outubro de 1937, onde se fai fincapé na falta de unidade e de decisións políticas que perxudicaron plans militares.

[editar] Cronoloxía

• 24 de agosto: Fírmase o decreto mediante o cal o Consello Interprovincial de Asturias e León se transforma en Consello Soberano de Asturias e León.
• 25 de agosto: Entra en vigor o decreto anterior.
• 26 de agosto: O mencionado decreto sae publicado na prensa.
• 29 de agosto: O Consello Soberano cesa ao xeneral Gamir Ulibarri e nomea xefe militar da rexión ao coronel Prada.
• 4 de setembro: As tropas nacionais internanse en Asturias.
• 5 de setembro: As tropas nacionais ocupan Llanes.
• 20 de setembro: Aranda ocupa o porto de Pajares.
• 1 de outubro: As tropas nacionais ocupan Covadonga.
• 17 de outubro: A 4ª Brigada navarra atravesa o río Sella. O Consejo Soberano decide a evacuación do territorio.
• 20 de outubro: Última reunión do Consello Soberano. Iníciase a evacuación marítima desde Xixón.
• 21 de outubro: As tropas nacionais entran en Xixón e Avilés, finalizando desta maneira a campaña do norte.

[editar] Bibliografía

• La Guerra Civil Española - Tomo II. ISBN 844090326X
• La ofensiva nacionalista sobre Asturias
• Fernández, Alberto Asturias, 1936-1937. La frágil unidad del Frente Popular

[editar] Ligazóns externas

publicada por Antonio Masip en El Basilisco, 2:70-74, 1978