Wier
Ut Wikipedy
Wier is in doarp yn de gemeente Menameradiel, oan de Hege Dyk yn de noardpunt fan de gemeente. It doarp hat likernôch 210 ynwenners (2004).
Ynhâld |
[bewurkje seksje] Skiednis
De easte ynwenners fan Wier wiene boeren en fiskers. Fia de Wierster Syl en Balksyl koene de fiskers maklik op de Middelsee komme. Omkring it jier 1000 waarden der diken oanlein tusken Ljouwert en Wier, fia Bitgum en Berltsum. ( Wier lei dus efter Berltsum.)
Yn de twadde helte 12e ieu waard de houten tsjerke ferfongen troch in tsjerke fan stien. Schelte Lauta liet yn 1192 in stins bouwe; Lauta Stins. Yn 1634 waard der in nije stins boud, dy't yn 1748 ôfbaarnd is. No ferwiist de namme Lautawei noch nei it plak dêr't de stins stien hat.
[bewurkje seksje] Nijsgjirrichheden
- Yn Wier sit Radarpost Noard fan de Keninklike Loftmacht, ien fan de twa saneamde "Medium Power Radars" wêrmei't it Nederlânske loftrom bewekke wurdt. De oare Nederlânske radarpost is yn Nieuw Milligen (by Apeldoorn) en is ûnderdiel fan Air Operations and Control Station Nieuw Milligen.
- Oan de súdmuorre fan de tsjerketoer hinget in astronomysk oerwurk: Yn 1946 waard dit oanbean troch in ûnderdûker yn WO II.
[bewurkje seksje] Mienskip
It doarpshûs hjit d'Ald Skoalle. De bern gean yn Minnertsgea en Berltsum op skoalle. Doarpsrûnte, de feriening foar Pleatslik Belang, hat hjir har gearkomsten. Yn de earste wykein fan july is der Merk.
[bewurkje seksje] Ferienings
- VVV Wier - keatsen
- Oefening en Vermaak - toaniel
[bewurkje seksje] Berne yn Wier
- Sybe Kornelis Bakker, frijsinnich kristen-soasjalist en herfoarme predikant.[1]
[bewurkje seksje] Strjitten
Gernierswei, Hegedyk, Lautawei, Terpeleane, Tsjalling Bakkerstrjitte, Tsjerkepaad.
