Tytsjerk
Ut Wikipedy
Tytsjerk is in doarp yn de gemeente Tytsjerksteradiel, west fan Hurdegaryp, sawat 9 kilometer east fan Ljouwert. It spoar Ljouwert - Grins ferdielt dit yn âld en nij Tytsjerk. It doarp hat likernôch 1.565 ynwenners (2006). Under it doarp falt ek it buorskip Lytse Geast.
It doarp hat in doarp fan boeren en fiskers west. Oan de seine en skepnet fan it doarpswapen is soks noch te sjen. Yn de flagge binne beide foarwerpen feroare yn twa krusende banen. Tytsjerkers wurde ek wol as skieppekoppen oantsjutten.
Yn de Midsieuwen hiet it doarp Thiakerka of Tiakerka. Soks soe ferwize kinne nei in hillige mei de namme Thialdus, Titus, Thialda of Titia. Mooglik hat it earder it haadplak fan de gritenij west, de namme Tytsjerksteradiel wiist dêr op.
Ut de fûneminten kin ôflaat wurde dat it tsjerke der tusken 1200 en 1300 al stien hat. Yn in tsjerklike oarkonde wurdt it plak yn 1328 neamd. Yn 1720 binne de fûneminten lein foar it hjoeddeiske tsjerke.
De tsjerkeklok út 1608 hat yn'e oarloch nei Dútslân west mar is werom komd. Dy hat eartiids oan in klokkestoel hong mar hinget no al wer twa ieuwen yn de tsjerketoer.
Ynhâld |
[bewurkje seksje] Bosk fan Ypey
Tichtby it doarp leit park Vijversburg, ek bekend as de bosk fan Ypey. Dit wie eartiids yn besit fan de rike famyljes Looxma en Ypey, letter waard it eigendom fan de Stichting op Toutenburch. It parrk is oanlein troch Roodbaard. Der wurde geregld tentoanstellings holden, it is de bedoeling om der in grut keunstpark fan te meitsjen. Op 18 maart 2005]] waard de nije tagongspoarte iepene. Omdat it park doe ek fergrutte wie hjit in no Grut Vijversburg. Yn it park stiet ek in fraaie teekoepel.
[bewurkje seksje] Mienskip
It Doarpshûs Yn'e Mande bestiet al sûnt 1974. Der is in Feriening foar Doarpsbelangen en it doarpskrantsje hjit Yn'e Line. De feestkommisje en de Rekreaasjeferiening binne ynsteld foar de aktiviteiten. De Master Fennemaskoalle en It Lemieren binne de beide basisskoallen. Pjutten út Tytsjerk en Suwâld kinne nei it opfangplak Trije Turven Heech. Sûnt 23 april 2005 is der in skatebaaan foar de jongerein.
[bewurkje seksje] Befolking
- 1900 - 761
- 1910 - 828
- 1940 - 902
- 1954 - 829
- 1959 - 786
- 1964 - 954
- 1969 - 1255
- 1974 - 1435
- 2004 - 1400
- 2008 - 1539
[bewurkje seksje] Ferienings
- De Lofsang - sjongen
- kuorbalferiening
- folksdûnsjen
- FF Rijperkerk - fuotbal
- Us Nocht - kaartspyljen
- SF Tytsjerk: folleybal en badminton.
- De Wâldklappers - keatsen
- Judoferiening
[bewurkje seksje] Strjitten
't Herberchsfintsje, Alddiel, Aldemiede, Altenburgerwei, Boskloane, Buorren, De Jister, Elzekamp, Hanenburch, Jachtfjild, Klaverkamp, Lytsegeast, Noarderein, Reidfjild, Ryksstrjitwei, Rustenburgerwei, Singel, Suderein, Suwâldsterdyk, Symen Halbeswei, Simmerwei, Swarteweisein, Toutenburchleane, Woelwyk, Wylgekamp.
