Nevada
Ut Wikipedy
|
||||
 |
||||
| Ofkoarting | NV | |||
| Haadstêd | Carson City | |||
| Tiidsône | -7 / -8 | |||
| Algemien | ||||
|---|---|---|---|---|
| Oerflakte | 286.585 | |||
| Befolking | 2.234.771 | |||
| Oare ynformaasje | ||||
| Tatreden | 31 oktober 1864 | |||
| Oantal countys | 17 | |||
Nevada is in steat yn de Feriene Steaten fan Amearika. De haadstêd is Carson City. De namme komt fan it Spaansk en betsjut "mei snie bedekt".
Ynhâld |
[bewurkje seksje] Skiednis
Foar de komst fan de Jeropeanen waard Nevada befolke troch Yndianestammen. De Spanjerts namen it yn besit en nei de ûnôfhinklikheid fan Latynsk Amearika hearde it by Meksiko. Dat lân rekke it gebiet kwyt nei de ferlerne kriich fan 1848 tsjin de Feriene Steaten. Yn 1850 ûntstie it Utah-territoarium. Doe't hjir yn 1859 goud en sulver ûntdekt waard, kamen in protte blanken nei de regio. Op 2 maart 1861 skiede Nevada him ôf fan it Utah-territorium en naam it syn hjoeddeiske namme oan. Op 31 oktober 1864 waard Nevada de 36e steat fan de Feriene Steaten.
[bewurkje seksje] Geografy en klimaat
De steat Nevada is 286.585 km² grut en leit yn de Pasifik-tiidsône. It grinzet oan de steaten Oregon, Idaho, Kalifornje, Utah en Arizona
Nevada beskikt oer in protte bercheftige gebieten, mei de top fan Boundary Peak (4005 meter) as heechste punt en woastinen. Fan alle Amerikaanske steaten hat Nevada de minste delslach.
De eastgrins fan Nevada folget foar in part de Koloradorivier, dy't troch Lake Mead streamt, dêr't him de grutte Hoover Dam befynt.
[bewurkje seksje] Nijsgjirrichheden
- Las Vegas
- Hoover Dam
- Lake Mead
- Area 51
