Famee
De Vichipedie, la enciclopedie libare dute in marilenghe.
Une famee e je fate di un grup di personis che a vivin insiemi o di plui grups di personis che a àn une dissendence da un stes von, da une union legâl o da une adozion.
Tra i varis familiârs a son dai grâts di parintât.
Te declarazion universâl dai dirits dal om si dîs che “la famee e je la unitât naturâl e fondamentâl de societât e e à di jessi protezude dal Stât e de societât”
[cambie] La famee te storie
Te etâts plui antighis, ma ancje in tancj societâts diferentis in timps plui dongje al dì di vuê, a si cjatavin diviers elements comuns.
In prin a jere une dominance dal om su la femine, il matrimoni al jere spes un contrat fra lis fameis di provignince e il rapuart al jere monogamic (ma in diviersis societâts l'om al podeve vê des concubinis),
Al esisteve la pussibilitât di finì il matrimoni cun cualchi forme di divorzi o di repudi de femine.
Pai Grêcs e pai Romans a fasevin part de famee ancje i parincj, i servidôrs e i sclâfs di cjase. Lis invasions dai Barbars a àn puartât a une definizion di famee plui grande dentri la tribù (clan).
Cu la etât di mieç te famee Europeane si je fate sintì la influence de religjon cristiane. No jerin permetudis formis di poligamie ni si podeve divorziâ.
Tal secul XX une schirie di cambiaments a àn mudât la famee tradizionâl. La secolarizazion de societât e la impuartance minôr de Glesie, la pussibilitât di divorziâ, il fat che lis fameis a sedin simpri plui piçulis, il fat che lis feminis a rivin a fâ valê simpri di plui i lôr dirits e son dai elements che a àn vût la lôr impuartance.
[cambie] La famee vuê
A zornade di vuê dongje la famee tradizionâl a si cjatin un numar rilevant di personis ca vivin insiemi cence jessisi sposadis. I politics a discutin se dâ cualchi forme di tutele juridiche ancje a chestis fameis di fat o se no fâlu ritignint just difindi dome la famee tradizionâl.
