Nikita Khrustxev
Wikipedia(e)tik
| Nikita Khrustxev | |
 |
|
| Kargua: | SESBeko burua |
| Agintaldiaren iraupena: | 1953 - 1964 |
| Aurrekoa: | Joseph Stalin |
| Hurrengoa: | Leonid Breznev |
| Jaiotze eguna: | 1894ko apirilaren 17a |
| Jaiotze tokia | |
| Heriotza eguna: | 1971ko irailaren 11a |
| Heriotza tokia | |
| Lanbidea: | |
| Alderdi politikoa: | Alderdi Komunista |
Nikita Sergeievitx Khrustxev, errusieraz Ники́та Серге́евич Хрущёв, (Kalinovka, Ukraina, 1894ko apirilaren 17 – Mosku, 1971ko irailaren 11) Joseph Stalinen ondorengoa izan zen Sobiet Batasunaren buruan. SESBeko Alderdi Komunistaren Lehen Idazkaria 1953 eta 1964 bitartean, nahiz Ministroen Biltzarreko Burua 1958tik 1964 arte. Alderdikideek boteretik kendu zuten 1964an, Leonid Brezhnev jarriz.
1930eko hamarkadako purga Stalinistak ekidin ondoren, bere kokapena Sobietar Batasuneko Alderdi Komunista barruan oso aldekoa zen Stalin beraren ondorengoa izateko. Honen heriotza 1953ko martxoan gertatu zen, baina hiru urte igaro behar izan ziren Khrustxevek Sobietar Batasunaren botere guztia bereganatu zuen arte. Boterea lortzeko leia honetan Beria, Malenkov eta Molotov izan zituen aurkari nagusi gisa. Esan bezala, 1956. urtean bereganatu zuen Sobietar Batasunaren boterea eta 1957an ez zuen jada aurkari politiko garrantzitsurik alderdiaren barruan, beraz, bere politika martxan jartzeko inongo oztoporik ez zuen aurkituko ondorengo urteotan.
Hartutako lehenetariko neurri bat, Stalinen gorpua Moskuko Plaza Gorrian dagoen mausoleotik kentzea izan zen. Hau bertan jarri zuten bere heriotzaren ondoren Leninen gorpuaren aldamenean. Keinu hau hurrengo urteotan Khrustxev berak bultzatu zituen destalinizazioaren eta erreformen ikur bihurtu zen. Baina Khrustxeven agintaldia zerbaitegatik gogoratua bada, hau duda barik 1962eko Kubako misilen krisia da, behar bada Gerra Hotzaren unerik beroena.
1964an SBAKak kaleratu egin zuen bere ordez Leonidas Breznev jarri zuelarik. 1971an hil zen. Politika mundutik guztiz baztertuta igaro zituen bere azken urteak.
