Aguas de Barcelona
Wikipedia(e)tik
| Aguas de Barcelona | |
|---|---|
| Konpainia mota | Elkarte Anonimoa |
| Sektorea | Uren kudeaketa |
| Sortze urtea | 1867 |
| Presidentea | Jordi Mercader Miró |
| Merkatuak | Espainia eta Mundua |
| Irabaziak | 338,07 milioi euro (2005) |
| Akziodunak | La Caixa |
| Webgunea | http://www.agbar.es |
Aguas de Barcelona edo Agbar, ur banatzaile kataluniarra da.
[aldatu] Historia
1867an Liejan eta Belgikako kapitalarekin "Compagnie des Eaux de Barcelone" enpresa sortu zen. Enpresa horrek, Bartzelona inguruko herrien ur-hornikuntzaz arduratzen zen. Gaur egun, Bartzelona inguruko herri horiek Bartzelonako auzoak dira, egindako anexioen ondoren. 1881an enpresari frantses batek erosi zuen enpresa, eta ordutik "Société Générale des Eaux de Barcelone" izenarekin ezagutu zen.
1919an azkenik enpresari katalan talde batek erosi zuen enpresa eta berriro ere izena aldatu eta "Sociedad General de Aguas de Barcelona" jarri zioten. Ordutik erkidego ezberdinetako ur-hornikuntza lehiaketak irabazi ditu eta gaur egun Espainiako hainbat probintzia eta hirietako ur-hornikuntzaz arduratzen da. 1998an Agbar Fundazioa sortu zen. 1999an Txileko Emos enpresa erosi zuen (handik aurrera Aguas Andinas izena ezarri ziotelarik). Enpresa horrek Txileko bost milioi pertsona ingururen ur-hornikuntzaz arduratzen da.
Ur-hornikuntzaz gain bestelako sektoreetan ere inbertsioak egin ditu, halanola automobilgintza, eta ingurugiroaren mantenuarekin zerikusia duten gaiekin. Horrez gain, hainbat herrietan dago gaur egun Aguas de Barcelona, esaterako Ameriketako Estatu Batuetan, autoen aparailuen ingurugiro sistemetan eta Txinan automozio zerbitzuak eskainiz. 2004ean Agbar Museoa sortu zen, Agbar Fundazioaren lana hobeto erakusteko asmoarekin.
