Milàn

Milàn (in itagliàn Milano e in lunbèrd Milan) l'è la zitè piò granda ed totta l'èlta Itaglia, la s trova int'la basa d'la Lunbardî, la regiån piò récca d'la naziån. I su abitant s ciamen milanîs, mo î én cgnossò anca cme meneghén, par la maschera ed carnevèl ed Meneghén.

La zitè l'a bèle 1.3 miliòn d'abitant, mo la su area metropolitèna l'arivarà a 4 miliòn.

Al nomm ed Milan vén da la parola celtica Mid-lan, ch'la vré dir int'al mèz d'la basa. L'è advintè Mediolanum cun i romàn. I tedessch la ciamèven (e la ciamen) Mailand parchè quand i arivénn zå ai parèva ed stèr in primavera anca s l era invéren.

Stra i monument e i palazz famus ed Milàn as a d'arcurdèr al Dôm, al Castel Sfurzassch cun i su musî e al teater d'la Scala.

A Milàn ai én i famus cà d'la moda e al su butaig (in via Montenapoleone e int'la Galarî Vittori Emanuel, ch'la s cunsidera l'area ed shopping piò vècia dal månd). Sti qué i an fat advintèr Milàn onna dal zité mundièl d'la moda, cme Paris, Låndra e Neviòrrk. A Milàn as truven anca dåu squader ed balån, al Milan e l' Inter, ch' insamm an vént ventnov scudett, sètt Copp di campion, e zénc copp intercuntinentèl. Al låur stadi l'è el Giuseppe Meazza, dedichè a Pèpin Meazza, on di piò grand zugadur ed balån itagliàn. Al sénndic ed Milàn l'è la sgnåura Letizia Moratti (2006).

Milan l'è capitèl d'la su pruvénzia

Milàn - al Znacuel ed Leonard

La basílica ed San Luränz d'inveren

Al zänter ed Milàn ed 1158

Milan (in italian: Milano) l'è la citä püsè granda d' l'Italia dal nord, e la s' tröva in d' la pianüra d' la Lumbardia, la region püsè rica, svilüpä e cun pö abitant d' la nasion. Milan l'é capitäla d'la so pruvincia e d'la Lumbardia. I sò abitant i s' ciaman milanés.

La citä la gh'a 1.3 milion d'abitant, ma la so area metrupulitana la 'riva a 4 milion.

Al num ad Milan al vegna da la parola celtica Medelhan, ca 'la völ dì in mez a la pianüra. Po a l'é dvintä Mediolanum cun i ruman. I tudësch il la ciamävan (e la ciaman amò) Mailand parchè quand che i so popul i eran 'rivä zu a g' parìva da viv in d'un clima primaveril anca d'inveran.

Di so monümëint e i palasi famus gh'é da ricurdä 'l Dom, al Castel Sforzesco cun i so müsei e 'l Teatar a la Scala.

A Milan i gh'en il famus cà d' la moda e i so negosi (in via Montenapoleone e in d'la Galeria Vittori Emanüel, ch' i en cunsiderä l'area da shopping püsè vecia in dal mond). Chil cà ché i han fat dvintä Milan vüna dil citä mundiäli d' la moda, cmé Parigi, Londra e New York.

A Milan i gh'en anca dü squädri ad balon, al Milan e l' Inter, che insëma i han vinsì vëintanöv scüdët, sètt Cupi di Campion, e sëincu Cupi Intercuntinentäli. Al so städi l'é 'l Giuseppe Meazza, intitulä a voin di püsè grand zügadur ad balon italian.

Al sëindich ad Milan l'é la siura Letizia Moratti (dal 2006).

Milân (in italiân Milano e in lumbêrd Milan)l'é la sitê pió grânda ed tóta l'êlta Itâlia, l’a ‘s câta int la bâsa ed la Lumbardéia, la regiòun pió réca ed la nasiòun. I só abitânt a’s ciâmen milanèiṣ, mó în cgnussû ânca cme meneghèin, per la mâschera ed caranvêl ed Meneghèin.

La sitê l' gh’à bèle 1.3 miliòn d'abitânt, mó la só periferéia l' arivarà a 4 miliòn.

Al nòm ed Milân al deṣvîn da la parôla cêltica Mid-lan, ch' la vré dîr int al mèz ed la bâsa. L'é dvintê Mediolanum cun i rumân. I tedèsch la ciamêven (e la ciâmen) Mailand perchè quând a rîven zò agh sèmbra d'èser in premavèira ânca s’ l’é invêren.

Tra i monumèint e i palâs famōs ed Milân a gh’é d' arcurdêr al Dôm, al Castèl Sfurṣèsch cun i só muséi e al teâter ed la Scala.

A Milân a gh’în dal famôsi cà ed la môda e al sô butèighi în in via Montenapoleone e ind la Galaréia Vittorio Emanuele ch' l’ é cunsidrêda la zôna d’ acquést pió vècia dal mònd. Quisché àn fât dvintêr Milân òna dal sitê mundiêli ed la môda, cme Parîs, Lòndra e Neviòrk. A Milân a’s câten ânca dô squêdri ed balòun, al Milan e l' Inter, che insèm àn vînt vintnôv scudèt, sèt Còpi di campiòun, e sînch còpi intercuntinentêli. Al lôr stâdio l'é al Giuseppe Meazza, dedichê a ûn di pió grând zugadōr ed balòun italiân. Al séndech ed Milân l' la sgnōra Letizia Moratti (2006).

Milân l'é capitêla ed la só pruvîncia

Milân - al Cenâcol ed Leonardo

La basélica ed Sân Lorèins d'invêren

Al cèinter ed Milân int al 1158