Habagatang-sidlakang Asya

Gikan sa Wikipedia, ang gawasnong ensayklopedya

Lokasyon sa Habagatang-sidlakang Asya

Ang Habagatang-sidlakang Asya usa ka subrehiyon sa Asya nga naglakip sa mga nasod pahabagatan gikan sa Tsina, pasidlakan gikan sa Indya, ug paamihanan gikan sa Australya. Kining maong rehiyon naglakip sa Indotsina, Peninsula sa Malaya, ug ang Arkipelagong Malayo.

Adunay 11 ka mga nasod ang subrehiyon. Mabahin ang rehiyon sa duha: mga nasod nga nahimutang sa kontinenteng Asya nga nailhan usab sa tawag nga Indotsina ug mga nasod nga kapuluan (maritimo) o mga nasod nga nahimutang sa mga isla, nailhan usab nga Arkipelagong Malayo. Ang Habagatang-sidlakang Asya adunay gidak-on nga 1.6 milyon milya kwadrado (4,000,000 km²). Niadtong 2004, mas daghan pa sa 550 milyong tao ang manglulupyo sa rehiyon, 110 milyon niini nakapuyo sa isla sa Java sa Indonesia.

Kini ang mga nasod nga nahimutang sa kontinente o Indotsina:

• Cambodia
• Laos
• Myanmar (Burma)
• Thailand
• Vietnam

Kini ang mga maritimong nasod o Arkipelagong Malayo:

• Brunei
• Indonesia
• Malaysia
• Pilipinas
• Singapore
• Timor-Leste

Topograpiya sa Habagatang-sidlakang Asya; para sa mas detalyadong mapang-pdf tan-awa ang http://www.cia.gov/cia/publications/factbook/reference_maps/pdf/southeast_asia.pdf

Ang Malaysia adunay duha ka parte nga nabahin sa Dagat Habagatang Tsina. Peninsular Malaysia ang naa sa Peninsula sa Malaya nga parte pa sa kontinenteng Asya; ug ang Sidlakang Malaysia naa sa isla sa Borneo, usa sa pinakadakong isla sa rehiyon. Ang ubang mga pulo sa Indonesia naa nahimutang sa Melanesia, sa Oseanya. Ang Timor-Leste usahay ibutang sab sa Melanesia.

[usba] Tan-awa usab

• Asosasyon sa mga Nasod sa Habagatang-Sidlakang Asya (ASEAN)
• Asya para sa impormasyon sa uban pang mga subrehiyon ng Asya:

Sidlakang Asya
Habagatang Asya (o Subkontinente sa Indya)
Tunga-tungang Asya
Habagatang-kasadpang Asya o Kasadpang Asya (nailhan usab nga Middle East)
Amihanang Asya