Edgar S. Godin
Gikan sa Wikipedia, ang gawasnong ensayklopedya
Si Edgar Saldaña Godin (nailhan usab sa dagangalang Innocencio Dalisay ug Egay Talipsai; natawo Pebrero 28, 1971) usa sa mga kontemporaryong magsusulat sa pinulongang Binisayang Sinugboanon.
Mga sulod |
[usba] Kabatan-on
Si Godin natawo sa Bogo, Sugbo apan nagdako sa Bugho, Loon, Bohol. Nabata siya sa dagat og nakat-on sa pagsawom, pagpamana, ug pagpanikop sa katunggan.
Milalin ang pamilya ni Godin ngadto sa Mindanao ug didto siya namanso pagdaro sa kamad-an ug kabasakan.
Miurong siya sa pagtungha ug mibalik sa Sugbo. Didto nahimo siyang tigbaligya sa bisan unsa lang.
Naminyo siya kang Grace Balayong ug gitugahag tulo ka anak.
[usba] Panulat
Si Godin unang napatikan niadtong 1997 sa panabang ni Fidel B. Mag-usara (PSK). Sa tuig 1998, gitawagan siya sa Liwayway Publishing, Inc. (kanhi nanag-iya sa Bisaya Magasin) aron paalagaron sa Bisaya.
[usba] Mga obra ug pasidungog
[usba] Binagsang buhat
- Ang Laygay ug Ikaw, Ika-5 Ganti, AIDS Media Awards 2000, Feature in print category (giserye sa Bisaya, Agosto 23 - Septiyembre 20, 2000)
- Ang Salingsing, Unang Ganti, BATHALAD-Mindanao 2002, Sugilanon(gipatik sa Bisaya, Enero 29, 2003)
- Ugang Dugo Sa Kamot Ni Manoling, Ikatulong Ganti, BATHALAD-Mindanao, 2001, sugilanon (gipatik sa Bisaya, Disyembre 13, 2000)
- Ang Salamin, Ang Liso Ug Ang Kalibotan Ni Iyo Henyo, Ikatulong Ganti, BATHALAD-Mindanao, 2002, sugilanon (gipatik sa Bisaya, Marso 19, 2003)
- Kadtong Pagsum-ok Ko Sa Katunggan Aron Manginhas, Unang Pinasidunggan, Doña Modesta Singson-Gaisano-Dagang Foundation, Inc. Poetry Award, 2001 (gipatik sa Bisaya, Marso 6, 2002)
- Epistolario del Urom, Pinasidunggan, Sun*Star SuperBalita-Gov. Garcia Literary Award 2004 (gipatik sa Bisaya, Enero 19, 2005)
- Ang Bunyag, ang labing mubong napatik nga sugilanong Binisaya (Budaya, Marso 2003; Bisaya Dis. 20, 2006; ug sa panitikan.com.ph)
- Ang Tawo Luyo Sa Handag: Lima Ka Degrees, usa ka katitikanong pagsuhid (Bisaya, Pebrero 2, 2005)
- Eksodu, sugilanon (Bisaya, Nobiyembre 24, 2004)
- Bagyo, sugilanon (Bisaya, Nobiyembre 10, 1999)
- Da Adbentyur ob Inting en Bondying, nobelang komiks (giserye sa Bisaya Magasin)
- Paghubad sa "Paulo’s Paper Boat" ni Nick B. Melgar, usa ka mananaog nga sugilanon sa panagtigi nga gipasiugdahan sa AIDS Society of the Philippines
- Mga Batakan Sa Panitik (Rules on Spelling) Sa Binisaya-Sinugboanon, usa ka libreto, gilektyur sa Seminar-Workshop on Cebuano Grammar and Spelling, MSU-IIT Iligan City, Peb. 22-23, 2007
- Magtuon Tag Binisaya, kolum sa Bisaya sa 2008
Padayon usab niyang gisulat ang "Mga Prinsipyo Sa Bisaya: Handbook for Writing & Editing in Cebuano", usa ka serye sa mga artikulo kabahin sa panitik ug batadila sa Binisaya-Sinugboanon.
[usba] Mga antolohiya ug kompilasyon
- Kawit Sa Buntagon, usa ka antolohiya sa mga balak nga Binisaya (2000)
- Khaliedoskopyo, usa ka antolohiya sa mga mananaog nga mga sugilanon (uban ni Richel Dorotan)
- Uban ni Uriel Vallecera, nasulat usab nila ni Godin ang nobelang komiks nga giulohag Millenium Fighter (giserye sa Bisaya sugod Enero 5, 2000)
- Siya usab ang managing editor ug nagpasiugda sa Budaya, usa ka kaupat-matag-tuig nga dyurnal sa panulat ug kultura.
- Uban ni Richel Dorotan, gidisenyo nila ang Gagmayng Tingog sa Protesta, usa ka antolohiya sa mga sugilanon ni Gremer Chan Reyes
[usba] Pagkahilambigit og mga organisasyon
- Staff Member, Bisaya Magasin, 1998-2001
- Literary Editor, Bisaya Magasin, 2001-2005
- Associate Editor, Bisaya Magasin, 2005 hangtod sa kasamtangan
- Bise-Presidente, Dagang Foundation, Inc.-Luzon
- Pinasidunggang Sakop, BATHALAD-Mindanao
- Kaabag nga Tesurero, Filipino Academy of Movie Arts & Sciences (FAMAS)
- Sakop, National Press Club of the Phil. (NPC)
- Sakop, Philippine PEN
- Sakop, Board of Judges, Carlos Palanca Memorial Awards for Literature 2006, Short Story in Cebuano
- Liaison Officer for Cebuano, Gawad Komisyon 2006 sa Komisyon sa Pinulongang Filipino
- Tagsiya sa Hunta sa mga Maghuhukom sa Sugilanon, Gawad Komisyon 2006, Komisyon sa Pinulongang Filipino
- Dinapit nga Mamumulong, lektyur sa Mga Batakan Sa Panitik Sa Binisaya-Sinugboanon, MSU-IIT Iligan City, Pebrero 22-23, 2007.
- Delegado, Publish Asia 2007 Conference, Manila Hotel, Manila, Marso 27-28, 2007
- Sakop, Board of Judges, Carlos Palanca Memorial Awards for Literature 2007, Short Story in Cebuano