Biyernes
Gikan sa Wikipedia, ang gawasnong ensayklopedya
Ang Biyernes mao ang ikalima o ikaunom nga adlaw sa semana (depende sa konteksto), taliwala sa Huwebes ug Sabado.
Ang Sinugboanong Biyernes gikan sa Kinatsilang viernes, isip halad kang Benus, ang diyos-diyos sa katahom sa mitolohiyang Romano.
Mga sulod |
[usba] Biyernes sa lain-laing pinulongan
Sa pinulongang Iningles, Friday ang ngalan sa maong adlaw, gikan kang Freya, ang diyos-diyos sa katahom sa mitolohiyang Norse.
Sa Pranses, ang maong adlaw gitawag vendredi; sa Italyano, venerdi; sa Romanyan, vineri; sa modernong Aleman, Freitag; sa Dutch, vrijdag; ug sa Swedish, fredag.
Sa Indiya, ang Biyernes gitawag Shukravar, alang kang Shukra, ang diyos-diyos sa katahoman sa mitolohiyang Vedic.
[usba] Biyernes sa kasaysayan
Sa Alaska sa tuig 1867, ang Oktubre 6 (usa ka Biyernes) gisundan dayon sa Oktubre 18 (usa usab ka Biyernes). Kini tungod sa paggamit sa kalendaryong Gregoryano ug sa pagbalhin sa Internasyonal nga Linya sa Petsa human ang Alaska nakuha sa Estados Unidos gikan sa Rusya.
[usba] Biyernes sa relihiyon
Sa Katolisismo ang Biyernes Santo mao ang Biyernes sa wala pa ang Pasko sa Pagkabanhaw. Ning maong adlawa gihumdoman ang pagkamatay ni Kristo.
Sa Islam, ang Biyernes mao ang adlaw sa publikong pagsimba (tan-awa ang mga pangadyeon sa Biyernes). Sa pipila ka mga Muslim nga nasod, ang semana magsugod sa Dominggo ug matapos sa Sabado, apan sa mayoriya sa mga nasod nga Muslim, lakip na ang Saudi Arabia ug Iraq, ang semana magsugod sa Sabado ug matapos sa Biyernes.
Ang adlaw igpapahulay sa mga Hebreohanon magsugod sa pagkatunod sa adlaw sa Biyernes ug mahuman sa pagkatunod sa adlaw sa Sabado.
[usba] Demalas ang Biyernes
Sa pipila ka mga dapit, giilang demalas ang Biyernes, labi na ang Ika-13 nga Biyernes.
[usba] Tan-awa usab
- TGIF
| Mga adlaw sa semana |
|---|
| Dominggo | Lunes | Martes | Miyerkoles | Huwebes | Biyernes | Sabado |
