Imbourc'h (kelaouenn)
Diwar Wikipedia, an holloueziadur digor
Imbourc'h zo ur gelaouenn bolitikel a studi diazezet gant Youenn Olier e dibenn 1969.
Taolenn |
[kemmañ] Orin
Bez e voe da gentañ kelaouenn damgefridiel Emsav Ar Bobl Vrezhon (EBV), a oa un danvez strollad politikel anezhañ, a oa bet savet da heul disparti Youenn Olier ha Paol Kalvez eus Emsav Stadel Breizh (ESB).
Buan e voe savet ur skourr sevenadurel da EBV : Skol An Emsav. Arouezus eo anv ar gevredigezh-se : o diazezerien o doa c'hoant kas an danvez-stourmerien vrezhon d'ar "skol" a-raok maz afent d'ar "Bobl", evel ma vezed troet d'ober, goude darvoudoù 1968 e Pariz hag e Breizh.
Da heul 'Kendalc'h Skol an Emsav dalc'het e Gwengamp e 1974 e teuas an troc'h war-wel etre daou rumm a stourmerien. An hini "gozh", a oa begennelour, en ur zegemer a-grenn hêrezh Gwalarn ha SADED, pa gavas gwelloc'h an hini "yaouank", pellaat, 'mont d'ar Bobl', levezonet gant mennozhioù kleizelour deuet da heul 1968, o pellaat evel-se, tamm-ha-tamm, eus an hêrezh broadelour ha kristen, mui pe vui, a rene en Emsav betek-henn.
[kemmañ] Tuadur kristen ar gelaouenn diskleriet adalek 1974
E niverennoù kentañ ar gelaouenn e rank Youenn Olier reizhabegañ e c'hwitadenn gant SADED hag ESB, ha talañ e diabarzh Emsav ar Bobl vrezhon (EPV) nevez-savet gantañ ouzh an tuadur kleizelour a-berzh ar rummad yaouank. Goude 1974 e voe distaget Imbourc'h diouzh EPV ha SAE ha staget ouzh "Kristenion Breizh". Broadelour kristen e voe eta linenn-stur ar gelaouenn adalek neuze ha n'eo ket kemmet abaoe, nemet e vez meret gant Emglev An Tiegezhioù abaoe 2001. Chom a ra stag ar gelaouenn ouzh an tuadur "begennelour" oc'h arverañ gerioù SADED hag o krouiñ re all en ur embann tri geriadur eus ar brezhoneg arnevez. En e "Notennoù Politikel" e roio Youenn Olier e sell war an istor kempred, a viz da viz : istor an Emsav eveljust, hogen ivez hini an Iliz hag ar bed dre vras. Liesseurt kenañ eo ar pennadoù a-hend-all, alies war danvezioù diaes : Feizoniezh, Prederouriezh, Patrologiezh, Armerzhouriezh...
[kemmañ] Embannadurioù
Nebeut a skouerennoù (200 well-wazh) a vez tennet eus ar gelaouenn hag eus he embannadurioù, dre ziouer a goumananterion. Dister int da welout, rak moulet int hep tremen dre un ti-moulañ a vicher. Ouzhpenn tri metrad estajerennoù ul levraoueg a vez leuniet gant ar pezh a zo bet moulet etre 1969 ha 2005, pergen 25 levrenn eus Deizlevr Youenn Olier, Henlennegezh kristen (12 levrenn) Marsel Klerg hogen ivez Skol Walarn e div levrenn, embannet teir gwech, danevelloù,pezhioù-c'hoari, romantoù, pergen ar romant hirañ bet moulet biskoazh e brezhoneg, Enez Ar Vertuz.
[kemmañ] Kannadig Imbourc'h
Adalek 2000 e vez moulet "Kannadig Imbourc'h", a zeu er-maez bep daou viz.
[kemmañ] Kenskriverien ha skrivagnerien
Setu aze ur roll diglok eus an dud o deus skrivet er gelaouenn-se : Yann Mikael, Tepod Gwilhmod, Pol Kalvez, Youenn Olier, Maoris Ar C'hollo, Maodez Glanndour, Marsel Klerg, Youenn Troal, Fañch Kerrain, Pêr Even, Yann-Vari Bouessel du Bourg
[kemmañ] Liammoù diavaez
- Lec'hienn Emglev An Tiegezhioù a embann Imbourc'h : embannadurioù ha Kannadig Imbourc'h en linenn (unan bep daou viz).
