Erminig
Diwar Wikipedia, an holloueziadur digor
|
|||||
---|---|---|---|---|---|
M. erminea
|
|||||
Rummatadur klasel | |||||
Riezad : | Loened | ||||
Skourrad : | Chordata | ||||
Kevrennad : | Vertebrata | ||||
Urzhiad : | Carnivora | ||||
Kerentiad : | Mustelidae | ||||
Iskerentiad : | Mustelinae | ||||
Genad : | Mustela | ||||
Anv skiantel | |||||
Mustela erminea Linnaeus, 1758 |
|||||
|
An erminig (mustela erminea) a zo un aneval eus kerentiad ar mustelidae. Ur c'higdebrer bihan eo na ya ket da vrasoc'h eget 30 cm. Debriñ a ra konklied, skrignerien, bronneged vihan, evned hag o vioù. Argadiñ a c'hell ivez pesked ha raned pe zoken amprevaned. Mat tre e pign er gwez ha diouto e c'hell disken, e benn da gentañ evel ur gwiñver.
Barrek eo an erminig da lazhañ anevaled vrasoc'h egentañ e-unan. Pa vez muioc'h kig gantañ eget ma c'hell debriñ e vir anezhañ en ul lec'h kuzh. Evel ar mustelidae all e lazh e breizhoù dre zentañ diaz o c'hlopenn, lec'h m'emañ darn an empenn a gontrol an anal.
E meur a rannvro rann e annez gant ar gaerell hag he-deus an hevelep doare bevañ. Bihan niver eo neuze. Pa n'eus kaerell ebet e vez bihanoc'h an erminig (war-dro 70 g).
Kavout a reer an erminig er rannvroioù klouar ha yen Europa, Azia hag Amerika an norzh; Emporzhiet e oa bet e Zeland Nevez da stourm ouzh ar gonikled. Da noazus eo aet, avat, peogwir e hemolc'h evned ar vro ha debriñ a ra o vioù. Daoust ma vev e rannvroioù yen en deus ur c'horf hir na vir ket mat an tommder. E gorf hir a ro tro dezhañ da heuliañ e breizhoù en o douarenn.
Ur blevad gell en deus met da wenn e ya e-pad ar goañv er rannvroioù ma vez erc'h. Penn e lost a chom du e-pad ar bloavez a-bezh, avat. E implijout a ra evel un touell evit e breizherien moarvat.
Tachennadel eo an ermining ha difenn a raio e dachennad ouzh izili all e spesad e-unan, dreist holl ar re eus an hevelep reizh. Meur a zouarenn en deus ar peurliesañ. Ne gleuz ket anezho, avat. Kemerout a ra anezho digant e breizh. Estreget e-pad an amzer-barañ e vev gantañ e-unanig. Ur wech pep bloavezh en em c'houen. Ar barrezed a bar gant meur a bar hag ar re-mañ na gemeront perzh ebet e desavadur ar venned. Hir tre eo an dougen (11 mizvezh) peogwir dizalet e vez annezadur ar grouell er mammoù.
Un aneval-noz e vez an erminig met gallout a ra mont er-maez e-pad an deiz ivez. Dre e c'hwesha e kav e breizhoù dreist holl.
[kemmañ] Arouez hag ardamez
Er Grennamzer e veze doñvaet an erminigoù, ha profet d'ar merc'hed. Arouez Breizh ez eo deuet da vezañ an erminig, he adkavout a raer unnek gwech war ar Gwenn-ha-du.