Erinied
Diwar Wikipedia, an holloueziadur digor
An Erinied a oa teir c'hoar, evel alies e relijion Hellaz kozh, a oa o c'hefridi heskinañ ar re a dorre urzh vat ar bed, an dorfedourien a bep seurt.
Korfoù askellek a oa dezho, naered war o fennoù, ha skourjezoù ha flammerennoù a veze ganto.
Taolenn |
[kemmañ] O anvioù
E gregach e oant Ἐρινύες/ Erinúes, eus ar verb ἐρίνειν / erínein, a dalv kement ha « heskinañ».
N'eo ket sur pet a oa anezho, met hervez Vergilius ne oant nemet teir:
- Alekto, an Hini Didruez
- Tisifone, an Dialerez
- ha Megaira, ar Sorserez. Dont a ra ar ger gallek Mégère eus anv an hini diwezhañ.
An Eumenided a veze graet anezho ivez, e gregach Εὐμενίδες / Eumenídes, « ar madoberourezed»), ur ger a veze lavaret gant aon da lavarout o gwir anv.
Hervez ar vojenn e vez graet an anv-se anezho abaoe barn Orestes gant an Aréopage (gwelout amañ izeloc'h). En Aten e veze lavaret ivez σεμναὶ θεαί / semnaì theaí, « doueezed enorus». Un anv all a veze graet anezho c'hoazh: χθόνιαι θεαί / chthóniai theaí, « doueezed ifernus ».
Klotañ a reont gant Merc'hed ar Gonnar ( Furiae pe Diræ e latin) e Roma gozh. Konnarverc'hed, a gaver e Geriadur Vallée ("furie").
[kemmañ] O lignez
- Merc'hed Gaia e oant, diwar gwad Ouranos a oa bet muturniet, hervez Hesiodos.
- Hervez Epimenides e oant c'hoarezed d'ar Moirai, a oa merc'hed da g-Kronos ha da Eurinome.
- Hervez Eschyle e oant merc'hed da Niks (an Noz).
- Hervez Sofokles e oant merc'hed Gaia ha Skotos, an Deñvalijenn
[kemmañ] O fouez
Dre ma oant doueezed kozh ne oant ket dindan Zeus. O chom e oant en Erebos (pe en Tartar, hervez an oberourien), er bed dindanomp, o tiskuizhañ da c'hortoz bezañ galvet war an Douar. Goude ma'zint a orin doueel ne blijont ket nemeur da z-Doueed an Olimp, gouzañvet int ganto, ha netra ken. An dud avat o devez aon razo. Se zo kaoz, dre ma tec'her razo atav, dre ma fell dezho bezañ anavezet ivez, e plegont da varnadenn Atena e pezh Eschyle, en desped d'o c'hoant diwalc'hus a zial.
[kemmañ] Trajedienn Aesc'hulos
_-_The_Remorse_of_Orestes_(1862).jpg/300px-William-Adolphe_Bouguereau_(1825-1905)_-_The_Remorse_of_Orestes_(1862).jpg)
En Eumenidezed gant Aesc'hulos, trede pezh an Orestia, emañ Merc'hed ar Gonnar, an Erinied, war-lerc'h Orestis.
