Chennai

Diwar Wikipedia, an holloueziadur digor

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

ಬೆಂಗಳೂರು - Chennai
Riez	India
Stad	Tamil Nadu
Rannvro (distrikt)	Bangalore Urban
Uhelder	- 6 m
Gorread	1,180 km²
Hed	80.27° R
Led	13.09° N
Poblañs	7,6 milion (2006)
Stankter	5,847/km²
Kod post	600 xxxxx
Kod pellgomz	+91 44

Chennai (Tamil: சென்னை, LFE: [ˈtʃenːɛi], 'Tchennei' hervez doare-skrivañ ar brezhoneg), anavezet a-raok gant an anv "Madras" a zo kêr-benn Stad Tamil Nadu en India hag an pevare kêr vrasañ eus ar vro. Lec'hiet emañ war Aod Coromandel, e Pleg-mor Bengal. Gant ur boblañs eus 7,6 milion ag annezidi ez eo ar 36^vet kêr vrasañ er bed.

Ur greizenn genwerzhel ha c'hreanterel vras eo ar gêr. Brudet eo evit he legadenn sevenadurel hag hec'h azeuldioù. Kêrbenn greanterezh an c'hirri-tan en India eo. He zraezh pennañ Traezh Marina a zo unan eus ar re hirañ er bed gant 12 km.

Herberc'hañ a ra Chennai ar c'henstriverezh tennis nemetañ en India.

[kemmañ] Orin an anv

Dont a ra an anv Madras eus Madraspatnam, al lec'h choazet gant Kevread Predenek Indez ar Reter da sevel ur gêr-werzh e 1639. En he c'hichen ez eus ur gêr vihan arall Chennapatnam. Kendeuzet e voe an div gêr ha tra ma veze ar saozon oc'h ober gant Madras e implije tud ar vro Chennapatnam pe Chennapuri. Ur gêr telugueg eo "Chennu". Talvezout a ra "brav" ha neuze, 'Chennapuri a dalvez "Kêr Vrav".

Adanvet e voe ar gêr Chennai e miz eost 1996 peogwir e kav a ra da dud ar vro e oa portugaleg e orin. Krediñ a reer e teu eus anv un trevadenner portugaleg Madre de Sois erruet er vro war-dro 1500.

[kemmañ] Istor

Azeuldi Kapaleeshwarar temple e Mylapore a voe savet gant ar rouaned Pallava er VII^vet kantved

Ur greizenn genverzhel, velestradurel, vilourel hag armerzhel vras e oa rannvro Chennai adalek ar 1^añ kantved. Reolet e oa gant rouantelezhioù ar Pallava, Chola, Pandya ha gant Impalaeriezh Vijaynagar. Kêr Mylapore, hag a zo ur c'harter Chennai hizi, a oa ur porzh pouezus e amzer rouantelezh Pallava.

[kemmañ] Portugaliz Hag Izelvroiz

Pa erruas Portugaliz e 1522 e savjont ur porzh a anvjont São Tomé, hervez Sant Toma, abostol an Indez,, hag en-defe prezeget aze etre 52 ha 70.

E 1612 e yeas ar rannvro gant an Izelvroiz. E Pulikat en em staljont

D'ar 22 miz Eost 1639 e roas Damerla Venkatadri, Nayak Vandavasi, tirioù Gevread Predennek Indezioù ar Reter evito da savat ur gêr-werzh enno. Madrasemen e voe anvet, war a greder. Ur bloaz diwezhatoc'h e vot savet Fort Saint-George hag a yeas da greizenn ar gêr drevadennel.

[kemmañ] Gallaoued e-pad tri bloaz

E 1746 e voe aloubet Fort St George ha Madras gant ar c'halloued. Preizhañ a rejont ar gêr hag ar c'heriadennoù nesañ.

Adgounid a reas ar saozon kontrol ar gêr e 1749 goude Feur-skrid Aac'hen; Ne oa ket padet dalc'h ar C'hallaoued nemet tri bloaz eta.

[kemmañ] Saozon

He mogeriañ a rejont evit he gwareziñ ouzh argasadeg ar c'halloued pe Hyder Ali, Sultan Mysore. E fin an XVII^vet kantved o-doa staget ar saozon darn vrasañ an tirioù war-dro Tamil-Nadu hag ar pezh a zo hiziv Andhra Pradesh ha Karnataka. Prezidantelezh Madras, a oa Madras he c'hêrbenn, a savjont.

Dindan gouarnamant saoz e yeas Madras d'ur gêr vras ha d'ur porzh pouezus. Goude erruidigezh en hent-houarn en India, e-pad an XIX^vet kantved e voe liammet ouzh kerioù bras arall evel Mumbai pe Kolkata. Ar gêr Indiat argaset gant Alamagne e-pad ar brezel bed kentañ e oa. Bombezañ a ra ar morreder skañv SMS Emden ur mirlec'h eoul-maen. Goude dieubidigezh ar vro e yeas Madras da gêrbenn Stad Madras a voe adanvet Tamil Nadu e 1969.

[kemmañ] Douaroniezh

Da 13.04° N 80.17° R emañ lec'hiet Chennai biz Tamil Nadu e gevred India. Lec'hiet emañ en ur gompezenn aodel, Kompezenn-aod ar Reter hec'h anv. Un uhelder krenn a 6 m he-deus ar gêr hag he lec'h uhelañ a dizh 60 m hepken. Div stêr a dreuz Chennai, Cooum River e kreiz ar gêr ha Adyar River er su.