Міхалон Літвін
З Вікіпедыя.
Міхалон Літвін (магчымае сапраўднае імя: Вянцлаў Мікалаевіч або Міхайла Цішкевіч): аўтар трактату «Аб норавах татар, літоўцаў і маскавіцян», які быў напісаны перад 1550, а выйшаў у свет у 1615.
Літвін абгрунтоўваў паходжанне літоўскай арыстакратыі ад Юлія Цэзара, які, быццам, захапіў Літву і зрабіў яе правінцыяй Рыму (гл.таксама: легенда аб Палемоне). У доказу Літвін прыводзіў падабенства лацінскай і літоўскай моваў. Аўтар абураўся жорсткім стаўленнем шляхты да сялян і «чэлядзі нявольнай», крытыкаваў тагачасныя законы, паводле якіх сяляне і дробная шляхта не мелі права распараджацца сваёй маёмасцю без згоды пана, крытыкуе шляхту, якая бавіла час у корчмах, замест таго, каб бараніць дзяржаву ад крымскіх татараў.
- Белазаровіч В. А. Гістарыяграфія гісторыі Беларусі: вучэб. дапаможнік; Установа Адукацыі "Гродзенскі Дзярж. Ун-т імя Я.Купалы". — Гродна : ГрДУ, 2006. — 345 с. ISBN 985-417-858-7. С.53.