Föhn
Aus Wikipedia
Da Föhn is a wäitweits Phänomen, des aba in de Oipnlända zeascht beobachtet und beschriem worn is. Es handlt se dabei um an Wind, dea duach bestimmte Umständ auf da andan Seitn vo de Berg, ois wo a herkimmt, blosd (nennt se noch da Säämo-Sprach Lee) und ziemle warm wern ko.
Nemands dem scheen Weda, des da Föhn oft bringd, kriagn aba vui Leid davu a greisligs Schädlweh. Aa Herzprobleme ko ma griagn, und manche Leid wern ziemle unleidig an solchane Doog. D'Wissenschaftla vo da Ludwig-Maximülians-Uni in Minga ham sogar aussegfundn, dass an d'Föhndoog zehn Prozent efta duschn duat (Autounfäll san gmoant) und a zehn Prozent hechane Seibstmordquotn auftret.
[dro werkln] Woher kimmt des Woat?
Des Woat Föhn kimmt ausm Lateinischn favonius, wo sovui wia "a laua Westwind" bedeit. Nochdem des Phänomen vom Föhn aba an jedm grässan Berg oda G'birg entsteh ko, hom se freile in da Wäit no andane Naman gfundn. So hoasst da in Chile an de Andn Puelche, in Argentinien nennansn Zonda.
Obwoi ma moana mecht, dass des Woat Föhn vo Haarfön kimmt, is es in Wiaklikeit genau umdraht. AEG hot se den Nama fia eana Maschindl in de 1920er patentiern lossn, wos se dann in d'Oidogssprooch eibiagad hod.
[dro werkln] Wia entstäht da Föhn?
Des is scho a wengal komplizierta. S' gibt a boar Theorien dodazua, aba olle ham eanan Hakn. Wer's genau wissn mog, schaut am bestn im Deitschn Artiggl nåch [1].
