Biamischdrangl

Aus Wikipedia

Biamischdrangl san Drangl, wo auf da oan Seitn a Bia drinad is, oba aa nu wos ondas, wia Limonad, Cola oda ausgfoinare Gschichtn. Bis in de Neinzga vom zwanzigstn Jahrhundat sand seiche Drangl ollawei frisch gmischt worn. Duach a Gsetzändarung is es nachad meglich worn, de Mischunga glei fertig in da Flaschn z'vakaffa.

[dro werkln] Wia ma de oanzln Drangln hoasst und wos drinad is

Goas

A Goas is a ba Jugendlichen in Bayern weit verbroatets alkohlischs Biermischgetränk. Eine kehrn dern vor allem Dunkles Bier, a Cola und a Weinbrand. De Zubereitung von a Goasmass ko beispuisweis aso ausschaung: a hoilba Lita Dunkles Bier, a hoilba Lita Cola und zwoa Stampal Weinbrand. De Mischung kon oba noch jem seinem eigenen Gschmock gmischt wern.

Variatona vo ana Goas gibts a mit Kirschlikör und Weißbier; dazua sogt ma nochand Kirschgoas. Wemma mehr ois fünf Stampal Likör in oane Kirschgoasmaß eine duad, dann is a bluadige Goas. Manche Leid drinka a Goaß a mid am Amaretto, oda ganz was wuilds is a no de Goaß mit Oa, in de a rohes Oa einagschlogn werd.

Isarwassa

Isarwassa, a Isarmass, nennt ma a Getränk aus am håim Lita Weißbia, am håim Lita Oranschnsaft (alternativ am gäibm Kracherl) und am Schuß (ungefähr 4 cl) Blue Curaçao. Gmischt und serviert werd des Ganze in am Masskruag. De Mischung kriagt a weng dreckig greane Farb, de entfernt an des Grean vo da Isar erinnat.

Da Gschmack is fruchtig noch Oranschn und spritzig wegam Weißbia, alladings bappadsiaß, und heimtückisch, wos d Süffigkeit und de Rauschwirkung ogäht. A de Wiakung am nächstn Dog is wega dem hohn Zuckaghoit in Vabindung mitm Alkohol ned ohne: Vui kriang a mords Schädlwäh drauf.

Wega da Siaßn is des Gsöff bei de junga Leid recht beliebt.

Nega

À Nèga is a Biamischdrangl aus Waißbia und Cola. In Ésdaraich, wo ma ned so fü Waißbia drinkt, iss õafåch a Meaznbia mid am Cola.

Radler

Haptartikl: Radler

De Radlermass bestäht zu da oana Häiftn aus hellm Bier und zu da andan aus am weißn Kracherl. Des Radla is hechstwarscheinli des eitaste Biamischdrangl ibahapts.

Russ

A Russnmaß is a G'misch aus am weißn Krachal (Zidronalimo) und am Weißbia je hoiwe/hoiwe in am Maßkruag. Wei a Maß bei de Stodara so schnäii lack wead, gibts do a Russnhoiwe. De Kuazfoam vo dem G'misch is Russ.

Dea Nama kimmt aus da Zeit vo da Räterepublik. De Kommunisten hom eanane Soidotn im damaligen Mathäser-Brau in Minga zamzong. Weis Bier scho arg weng war, hom ses mit Kracherl gstreckt. Wei fia de ofachn Leit Kommunisten Russn woan, homs dann des Gmisch a so gnannt, und es hot se bis jetzad ghoitn.

U-Bod

A U-Bod is a Håiwe Bia in dea ma a gãnz Schdampal Schnåps (oaginal an Obstla) fasenkt, dés hoast mid zãmt n Glasl. Intresantawais schmekt ma in Schnåps dabai fåst ned aussa, wås åwa a dés gfealiche is, wai ma dãn fü mea bsofa wiad, wia ma glaubt håd. Analog dazua gibt s a nu dés inverses U-Bod, wo in ana Håiwe Schnåps a Schdampal Bia fasenkt wiad. Dés is åwa a Såch de eha in Beraich fum Alkoholika-Jagalatain und de Urban Legends ghead.