Pentecosta
De Biquipedia
A Pentecosta (d'o grieco pentekosté (heméra) "o zincuanteno día", á trabiés d'o latín pentecostés literalment "zincuantena") describe a fiesta d'o zincuanteno día dimpués d'a Pascua (Domingo de Resurrezión).
Mientres d'a Pentecosta se zelebra la baxata d'o Esprito Santo sobre os apostols que, seguntes diz o libro d'os Feitos d'os Apostols:
prozedent d'o zielo con forma de luengas de fuego que s'aposoron denzima d'els | — '
|
Por ixo tamién ye conoxita ista festibidat como a zelebrazión d'o Esprito Santo.
Ta la liturchia catolica ye a fiesta más important dimpués d'a Pascua e o Nadal. A Eucaristia d'ista festibidat encluye a secuenzia meyebal Veni, Sancte Spiritus.
Istoricament ista zelebrazión se basa en a fiesta semanal chodiga dita Shavuot (fiesta d'as semanas), mientres d'a que se zelebra o zincuanteno día de l'aparixión de Dios en o mont de Sinaí. Por ixo en o día de Pentecosta tamién se zelebra a entrega d'a Lai (mandamientos) á lo pueblo d'Israel.
En o calandario cristiano a Pentecosta remata o tiempo pascual d'os 50 días, dito periodo u tiempo de l'amistat.
En as narrazions sobre a Pentecosta d'os Feitos d'os Apostols (2,1-41) li se da á lo Esprito Santo, igual que en l'Antigo Testamento, carauteristica miraglosas (carismas): el ofrexe balentia e libertat, posibilita la comprensión (glosolalia) e fortifica una comunidat unibersal.
En as ilesias ortodocsas esiste además a zelebrazión d'as Tres Dibinas Personas u d'a Santisma Trinidat; as ilesias oczidentals zelebran ta ista ocasión dende o sieglo XIV a suya propia fiesta dita Trinitatis (a fiesta d'a Santisma Trinidat) una semana dimpués d'a Pentecosta.
A Pentecosta inspira o segundo mobimiento cristiano protestant más gran d'o mundo, o Pentecostalismo, que tién más de 570 millons de siguidors.
[editar] Calendata de zelebrazión
A suya fiesta ye mobil, ya que pende d'a calendata d'a Pasqua de Resurrezión, que se fa con un calculo lunar, o que da como resultato una calendata bariable cada añada. Estando ista Pascua zelebrata en diferents calendatas, seguntes a confesión cristiana, allora la Pentecosta se zelebra tamién en calendatas diferents seguntes a tradizión oczidental e oriental d'o cristianismo.
O lunes de Pentecosta ye día de fiesta en Alemaña, Austria, Cataluña, Franzia, Liechtenstein, Islandia, Noruega, Belchica, Suiza e os Países Baxos.
[editar] Bibliografía
- Bolumen 16 La Gran Enciclopèdia en català 2004, Edizions 62-ISBN 84-297-5444-X
[editar] Enrastres esternos
- Se beigan as imachens de Commons sobre Pentecosta.