Belsetán
De Biquipedia
Bariedaz de l'aragonés | |
---|---|
|
|
Nombre local: | Belsetán |
Charradors: | 60-100 (?) |
Localizazión cheografica: | Bals de Bielsa |
Lugar(s) prenzipal(s): | Bielsa |
Rasgos dialeutals: | (Nor)Zentrals, de transizión ta's orientals |
Bitalidá: | Meya-Baixa |
Escritors prenzipals: | Leonardo Escalona |
O belsetán ye ra forma de l'aragonés charrada en as Balles de Bielsa (balle de Bielsa propiament dita, balle de Pineta e ra balle de Chisagüés e Barrosa.). A forma charrada á Tella (e redolata suya) ye prou parellana e puet estar mesa a drento d'esta mesma forma. Autualment ye l'aragonés més arcaico e menos castellanizato.
[editar] Fonetica
Ye un d'es dialeutos aragoneses que tién una tendenzia més fuerte a perder la o final: belsetán, cul, fil, top, truen, ferrer, chiner.
Ye la unica zona de la peninsula Iberica á on que se conserban casos de NN y LL latinas sin estar cultismos.
Exemplos:
- pen·na.
- bel·la.
- payel.la
- penna
- capanna
Tamién nos trobamos con casos de -nn- cheminata deribata de -ND-:
- barannato, (baranato en Tella).
- brenna
- espuenna
- esponnal
Esto ye interesán perque'l beyemos en toponimos de testos meyebals, (Panno en l'autual Pano), y nos fa saper la eboluzión fonetica d'a lengua.
ESPONDA > espuenda > espuenna > espuena.
Esiste un caso curioso d'eboluzión de a -LL- latina enta -r-: os pronomes er y ers, (él y ellos), ye fazil que por influyenzia gascona, pero que s'emplega en aragonés standard.
Es grupos latins -CT-, -ULT- evoluzionan ta -t-, -ut-:
Exemplos:
FACTU > feto
NOCTE > nuet
MULTU > muto
[editar] Morfolochía
Es articlos més chenerals son el, la, es, las. Como alomorfos se troba lo, usato á begatas, sobre tot per la chent de més edat, e o, a, os, as, presents en cualques combinazions con preposizión (con, de, en): n'o, n'a, d'as, con as, etz..
Nusatros y busatros se diz de trazas arcaizans: nusaltros y busaltros.
Chunto con bel, bel.la trobamos es achetibos indefinitos cualque y cualques.
- cualques ombres, cualques mullers, cualque cosa, (bella cosa).
Pa dezir "bella cosa" tamién tenemos el pronombre indefinito "cualcosa". Cualque cosa y cual cosa son paixitos a o franzés "quelquechose", y ye fazil que tiengan relazión con formas gasconas.
Pasatos perfeutos toz en as suyas formas febles de normal:
- tenié.
- trayé.
- benié
[editar] Sintacsis
En as combinazions de pronombres conserba la forma meyebal chunto con a cheneral en aragonés autual, (le'n, les ne):
- di-le-lo.
- le'l trayen.
- les-la trayen.
- les-le trayen.
Ye un d'es pocos puestos de l'alto Aragón á on que encara s'emplega el berbo "estar" como ausiliar de berbos intransitibos:
- No i soi estato.
El suyo uso con berbos de mobimiento, ya no emplegato, estió común en o pasato:
- Soi ito ta'l uerto.
Dialeutos de l'aragonés | ||
---|---|---|
Aragonés meridional | Aragonés oriental | Aragonés ozidental | Aragonés zentral | Chodigoaragonés† | Nabarro† | Rioxano† |
Bariedaz zentrals de l'Aragonés | ||
---|---|---|
Aragonés d'a balle de Bio | Belsetán | Bergotés | Tensino |