Alto Aragón
De Biquipedia
Alto Aragón ye la denominazión con que se fa referenzia á la rechión septentrional d'Aragón, e que d'ordinario ye equibalén á la de probinzia de Uesca, encara que ta beluns en ye només que la parti pirinenca u semontanesa.
Manimenos, la denominazión gosa d'abracar unas connotazions més umanas que no alministratibas. Asinas, puet asoziar-se á unas carauteristicas etnolochicas e culturals propias que asiñalarían belas diferienzias con as altras tierras aragonesas, amanando-se més en ocasions t'as culturas pirinencas bezinas, e que se reflexan n'as suyas trazas de bida (ya no tan acusatamén, en parti per la migrazión d'os lugars ent'as ziudaz), n'a suya arquiteutura e gastronomía (tipicamén montañesas), la bestimenta (festexata, per ixemplo, n'o Día d'o Traje Ansotano), lo idioma (en estar la zona constitutiba d'a luenga aragonesa e ixa n'a que millor aguanta), las tradizions folcloricas, la mitolochía, etz.
L'Alto Aragón ye tamién, estoricamén, lo territorio d'os condatos primichenios d'o que remataría estando lo Reino d'Aragón.
[editar] Binclos esteriors
En castellán:
