Phönizisches Alphabet

Us der alemannische Wikipedia, der freie Dialäkt-Enzyklopedy

Die phönizischi Schrift het 22 Zaiche und werd vo rechts noch links gschribe. Die ältischte Text stamet usem 11. Johrhundert v. Chr. I de Römerzit isch die Schrift nüme brucht worde und z Libye gits Grabstai wo Neupunisch mit latinische Buechstabe gschribe worden isch.

Die Schrift isch nöd nume für die phönizischi und punischi Sprooch brucht worde, sondern au för die ältischte aramäische Text. Denn hend sich us dere Schrift mehreri Variante bildet, so die aramäischi, die hebräischi und die altgriechischi Schrift. Über die altaramäischi Schrift hend sich witeri Schrifte bildet, so die arabischi, altsüdarabischi und äthiopischi Schrift, aber au die indische Schrifte chönet devo abglaitet werde. Über die altgriechischi Schrift het sich unter anderem die etruskischi, latinischi und kyrillischi Schrift und au d Rune entwicklet. So cha die phönizischi Schrift als Muetteralphabet vode maiste Alphabetschrifte gelte.

[ändere] Gschicht

Die wichtigschte Alphabetschrifte und iri Gschicht:

• Proto-Kanaanäischi Schrift: 14.Jh.v.Chr.
  • Phönizischi Schrift: 11.Jh.v.Chr.
    • Libysch-Numidischi Schrift ( Tifinagh ): 5.Jh.v.Chr.
    • Aramäischi Schrift: 9.Jh.v.Chr.
      • Hebräischi Schrift ( Alefbet ): 3.Jh.v.Chr.
      • Syriakischi Schrift: 2.Jh.v.Chr.
      • Arabischi Schrift ( Abjad ): 4.Jh.
      • Brāhmī & Indischi Schrifte ( Devanagari ): 6.Jh.v.Chr.
        • Tibetischi Schrift: 7.Jh.
        • Khmer/Javanesischi Schrift: 9.Jh.
    • Samaritanischi Schrift: 6.Jh.v.Chr.
    • Griechischi Schrift ( Phoinikia ): 9.Jh.v.Chr.
      • Koptischi Schrift
      • Etruskischi Schrift: 8.Jh.v.Chr.
        • Latinischi Schrift: 7.Jh.v.Chr.
        • Rune: 1.Jh.
      • Gotischi Schrift: 4.Jh.
      • Armenischi Schrift: 405
      • Glagolitischi Schrift: 862
      • Kyrillischi Schrift ( Azbuka ): 10.Jh.
    • Iberischi Schrift: 6.Jh.v.Chr.
  • Altsüdarabischi Schrift ( Musnad ) : 8.Jh.v.Chr.
    • Ge'ez: 5.Jh.v.Chr.