Alemán Coloniero
Us der alemannische Wikipedia, der freie Dialäkt-Enzyklopedy
Alemán Coloniero isch e niideralemannischer Dialekt, wu hauptsächli in dr Colonia Tovar in Venezuela, gsproche wird.
Alemán Coloniero isch d Sproch vun de Nochfahre vun dütsche Siedler, wu 1843 greschteteils us dr Gegend um de Kaiserstuel us Ändinge und Wyhl uf Venezuela usgwandret sin.
Dr Dialekt het sich usem Oberhinalemannische un eneme gringe Ifluss vun e paar ondri Dialekt us Sydditschland, Eschtrrich un dr Schwyz entwicklet. D meischte Sprecher kinne au Sponisch, dorum sin au sponischi Lehnwerter i s Alemán Coloneiro igonge. Des betrifft vor allem alli nöie technischi Sache, wo sit 1850 erfunde worre sin un s'domolig Alemannisch keini Werter defir gha het.
S' Alemán Coloniero isch am Usterbe un mer erwartet, dass es in spätestens ein bis zwei Generatione verschwunde si wird.
[ändere] Literatur
S isch plant a Wörterbüechli vun de Alemannisch-Tovarer Schproch und en Buech usem alemannische Schatzkäschtle usse zu gebbe. Es gitt a paar Büecher, wo ibber d Colonia Tovar und sinne alemannische Schproch schriibet:
- (Spanisch) Hernandez, Marlene Elanco: Introducción al analisis gramatical del Aleman de la Colonia Tovar. Universidad Central de Venzuela. Caracas 1987.
- (en) Redlich Perkins, Renate: Tovar German. Linguistic study of a German century alemannic dialect spoken in Venezuela. University Microfilms International. Ann Arbor, Michigan, London 1978.
- (de) Da Rin, Denise: Die deutsche Sprache in der Colonia Tovar (Venezuela) - Eine soziolinguistische Untersuchung. München 1995.
- (Spanisch) Kanzler, Samuel Briceño: La Colonia Tovar y su gente. Tovar, o. J. (Titel in deutsch übersetzt: Die Colonia Tovar und ihre Menschen).
[ändere] Ekschterni Syte
- (de) Bericht vum alemannische Sprochbiet in Colonia Tovar
- (de) Informations on Colonia Tovar bei www.margaritainfo.com
- (de) Foto, Film und en Bricht uff SWR.de
- (en) Informatione ibber Colonia Tovar bei www.venezuelatuya.com
- (en) Ethnologue.com yber Alemán Coloniero
- (uff Schpônisch) Syt vun därt in Venezuela
