Wellington, Nieu-Seeland
vanuit Wikipedia, die vrye ensiklopedie.
| Wellington | |
|---|---|
 |
|
| Ligging | |
 |
|
| Algemene feite | |
| Stigting: | 1839 |
| Inwoners: | 370.000 (2005) |
| Oppervlakte: | 444 km² |
| Bevolkingsdigtheid: | 833 Inwoners/km² |
| Gemiddelde inkomste: | NZ$ 23.900 (2001) |
| Geografiese ligging: | 41° 17′ S, 174° 46′ O |
| Amptelike webwerf: | wellingtonnz.com |
| Administratiewe verdeling | |
| Land: | Nieu-Seeland |
| Streek: | Greater Wellington |
| Distrikte: |
|
Wellington is die hoofstad van Nieu-Seeland en is die tweede grootste stedelike area in die land asook die mees bevolkte nasionale hoofstad in Oseanië. Die stad is geleë in die Wellington-streek aan die suidelike punt van die Noordeiland, naby die geografiese middelpunt van die land.
Soos baie ander stede, strek die gebied wat die stad in beslag neem verder as die grense van die plaaslike munisipaliteit. Greater Wellington of die Wellington-streek word gebruik om na die hele stedelike gebied te verwys, asook die landelike dele van die stad, die Kapiti-kus en verby die Rimutaka Range tot by Wairarapa.
[wysig] Naam
Die stad, Wellington, was vernoem na Arthur Wellesley, die eerste Hertog van Wellington en die winnaar van die Slag van Waterloo. Die hertog se titel is afkomstig van die dorpie, Wellington in die Engelse distrik, Somerset.
In die taal van die Māori's, die inboorlinge van Nieu-Seeland, het die stad drie name: Te Whanganui-a-Tara verwys na die hawe van Wellingtong en beteken "die groot hawe van Tara"; Pōneke is 'n transliterasie van "Port Nick" (kort vir "Port Nicholson") en Te Upoko-o-te-Ika-a-Māui (soms verkort na Te Upoko-o-te-Ika), wat beteken "die kop van die vis van Māui"). Die laaste naam is meer tradisioneel en verwys na die legende waarin die Noordeiland uitgevis is deur die demigod, Māui Tikitiki-a-Taranga.
