அமெரிக்க கன்னித் தீவுகள்

கட்டற்ற கலைக்களஞ்சியமான விக்கிபீடியாவில் இருந்து.

அமெரிக்கக் கன்னித்தீவுகள் U.S. Virgin Islands
குறிக்கோள் "United in Pride and Hope" (பெருமையிலும் நம்பிக்கையிலும் ஒன்றாகும்)
நாட்டுப்பண் "Virgin Islands March" (கன்னித்தீவு பயணம்)
தலைநகரம் பெரிய நகரம்		சார்லொட் அமலீ 18°21′N, 64°56′W
ஆட்சி மொழி(கள்)		ஆங்கிலம்
அரசு
-	அரச தலைவர்	ஜார்ஜ் வாக்கர் புஷ்
-	ஆளுனர்	ஜான் டெ ஜாங்
Organized, unincorporated territory
-	Revised Organic Act	ஜூலை 22 1954
பரப்பளவு
-	மொத்தம்	346.36 கிமீ² (202வது) 133.73 சது. மை
-	நீர் (%)	1.0
மக்கள்தொகை
-	ஜூலை 2005 estimate	112,000 (191வது)
-	2000 census	108,612
-	அடர்த்தி	354/km² (34வது) 916.9/sq mi
நாணயம்		அமெரிக்க டொலர் (USD)
நேர வலயம்		Q (ஒ.ச.நே.-4)
இணைய குறி		.vi
தொலைபேசி		+1 340

அமெரிக்கக் கன்னித் தீவுகள் அல்லது அமெரிக்க வெர்ஜின் தீவுகள் கரிபியத்தில் அமைந்துள்ள ஐக்கிய அமெரிக்காவின் ஆட்சியின் கிழுள்ள மண்டலமாகும். இது கன்னித் தீவுக் கூட்டத்தில் சிறிய அண்டிலுசுவில் காற்றுமுகத் தீவுகளில் அமைந்துள்ளது. அமெரிக்கக் கன்னித்தீவுகள் செயிண்ட்.ஜோன், செயிண்ட். தோமஸ், செயிண்ட்.குரொயிஸ் என்ற முக்கியத் தீவுகளுடன் மிகச் சிறிய ஆனால் வரலாற்றில் முக்கியத்துவம் வாய்ந்த தன்னீர்த் தீவையும் , மேலும் பல சிறியத் தீவுகளையும் கொண்டுள்ளது. இம்மண்டலத்தின் மொத்தப் பரப்பளவு 346.36 சதுர கிலோமீட்டராகும் (133.73 சதுர மைல்). 2000 ஆம் ஆண்டு ஐக்கிய அமெரிக்க மக்கள்தொகை கணிப்பீட்டின் படி இம்மண்டலத்தில் 108,612 பேர் வசிக்கின்றனர்.^[1]

பொருளடக்கம் 1 வரலாறு 2 புவியியல் 3 அரசியல் 4 பொருளாதாரம் 5 மக்கள் கணிப்பியல் 6 மாவட்டங்களும் துணை மாவட்டங்களும் 7 இவற்றையும் பார்க்க 8 மேற்கோள்கள் 9 வெளியிணைப்புகள் 9.1 அதிகாரபூர்வ தளங்கள் 9.2 செய்தித் தளங்கள்

[தொகு] வரலாறு

வெர்ஜின் தீவுகள் கி.மு. 100 அண்டளவில் தென் அமெரிக்காவிலிருந்து வந்த அராவாக் இந்தியர்களால் முதலாவதாக குடியேறேறப்பட்டது. கி.மு. 1500 முதல் இங்கு அமெரிக்க இந்தியர்கள் வசித்தற்காண சான்றுகளும் கிடைக்கப்பட்டுள்ளன.^[2] 15 ஆம் நூற்றாண்டு வரை இத்தீவுகளில் வசித்து வந்த அராவாக் இந்தியர்களை சிறிய அண்டிலுசுத் தீவுகளிலிருந்து வந்த தீவிர கரிப் இனக் குடிகள் வெளியேற்றினர்கள்.

வெர்ஜின் தீவுகளைக் கண்ட முதல் ஐரோப்பியர் கிரிஸ்டோபர் கொலம்பஸ் ஆவார் இவர் 1493இல் அமெரிக்கா நோக்கிய தனது இரண்டாவது கடற்பயணத்தின் போது இத்தீவை அடைந்தார். கொலம்பஸ் இத்தீவிற்கு Santa Ursula y las Once Mil Vírgenes ( புனித ஊர்சுலாவும் அவரது 1000 கன்னியரும்) எனப் பெயரிட்டார். பின்னர் Las Vírgenes எனச் சுறுக்கப்பட்டது. அடுத்துவந்த 300 ஆண்டுகளில் அப்போதைய ஐரோப்பிய வல்லரசுகளான ஸ்பெயின், பிரித்தானியா, பிரான்ஸ், டென்மார்க் போன்றவை இத்தீவுகளின் ஆட்சியைக் மாறிமாறிக் கொண்டிருந்தன.

டென்மார்க் மேற்கிந்தியக் கம்பனி 1672 இல் செயிண்ட். தோமஸ் தீவிலும் 1694 இல் செயிண்ட்.ஜோன் தீவிலும் குடியேற்றங்களை அமைத்தது. 1733 இல் செயிண்ட்.குரொயிஸ் தீவை பிரான்சிடமிருந்து விலைக் கொடுத்து வாங்கியது. 1754 ஆம் ஆண்டு இத்தீவுகள் டென்மார்க் அரச காலனியாக கொள்ளப்பட்டது. இங்கு விளைவிக்கப்பட்ட கரும்பு காரணாமாக 18ஆம் நூற்றாண்டிலும் 19 ஆம் நூற்றாண்டின் ஆரம்பத்திலும் அடிமைமுறை ஒழிக்கப்படும் வரை பொருளாதாரம் வளர்ச்சிக் கண்டது.

டென்மார்க் ஆட்சியின் எஞ்சியக் காலப்பகுதியில் இத்தீவுகளின் பொருளாதாரம் வீழ்ச்சிக் கண்டு, தீவின் செலவுகளை பேனுவதற்க்காக டென்மார்க்கிலிருந்து மேலதிக நிதி கொண்டுவரப்பட்டது. 1867 இல் இத்தீவுகளை ஐக்கிய அமெரிக்காவுக்கு விற்பனைச் செய்வதற்கு மேற்கொள்ளப்பட்ட நடவடிக்கைகள் தோல்வியில் முடிந்தன. ^[3] தீவுகளின் பொருளாதாரத்தைக் கட்டியெழுப்ப பல புதிய திட்டங்கள் நடைமுறைப்படுத்தப் பட்டனவெனினும் அவை பெரிய பலனைக் கொடுக்கவில்லை. தீவுகளை அமெரிக்காவுக்கு விற்பனைச் செய்யும் இரண்டாவது சட்டமூலம் டென்மார்க் பாராளுமன்றத்தில் சிறிய வாக்கு வித்தியாசத்தில் தோல்வியைக் கண்டது^[3]

முதலாம் உலகப் போரின் போது இத்தீவுகள் ஜேர்மனியால் நீர்மூழ்கி கப்பல் தளமாக பயன்படும் நோக்கில் கைப்பற்றப்படலாம் எனக்கருதியதால் மீண்டும் இத்தீவுகளை வாங்கும் நோக்கில் டென்மார்க்கை அனுகியது. சில மாதங்களாக நடைப்பெற்ற விலைப்பேசல்களின் பின்னர் 25 மில்லியன் அமெரிக்க டொலருக்கு இத்தீவினை விற்பனைச் செய்ய டென்மார்க் அரசர் முடிவு செய்தார். தீவுகளின் பொருளாதார வீழ்ச்சி, மற்றும் விற்பனைச் செய்யாவிடின் அமெரிக்கா தீவுகளைக் கைப்பற்றிக் கொள்ளும் என்ற அச்சம் இம்முடிவுக்கு காரணமாக கொள்ளப்படுகிறது. 1916 ஆம் ஆண்டு டென்மார்க்கில் நடைப்பெற்ற டென்மார்க் மேற்கிந்தியத் தீவுகளிந் விற்பனை மக்கள் கருத்துக் கணிப்பில் விற்பனைக்கு மக்கள் ஆதரவு கிடைத்தது. இதன் படி 1917 ஜனவரி 17 இல் விற்பனைக்கான ஒப்பந்தம் கைச்சாத்திடப்பட்டு 1917 மார்ச் 31 இல் அமெரிக்கா இத்தீவுகளைப் பெற்றுக் கொண்டது. 1927 ஆமாண்டு இத்தீவில் வசித்தவருக்கு அமெரிக்க குடியுரிமை வழங்கப்பட்டது.

செயிண்ட். தோமஸ் தீவிற்கு தெற்கே அமைந்துள்ள சிறியத் தீவான தன்னீர்த் தீவு இவ்விற்பனையில் உள்ளடக்கப் படவில்லை. 1944 ஆம் ஆண்டில் ஐக்கிய அமெரிக்காவால் 10,000 அமெரிக்க டொலர் கொடுத்து வாங்கப்படும் வரை இத்தீவு டென்மார்க் மேற்கிந்தியக் கம்பனி வசமிருந்தது.^[4] ஆரம்பத்தில் இத்தீவு அமெரிக்க கூட்டாட்சி அரசால் நேரடியாக நிர்வகிக்கப் பட்டது. 1996 ஆம் ஆண்டு இத்தீவின் 50 ஏக்கர் நிலம் கன்னித்தீவுகள் மண்டலத்துக்கு வழங்கப்பட்டது. மீதமிருந்த 200 ஏக்கர் நிலமும் 2005 ஆம் ஆண்டு 10 அமெரிக்க டொலர் பணப் பரிமாற்றத்தின் மூலம் அமெரிக்க உள்விவகாரத் திணைக்களத்திலிருந்து இத்தீவு கொள்வனவுச் செய்யப்பட்டது.^[5]

[தொகு] புவியியல்

அமெரிக்க வெர்ஜின் தீவுகள் கரிபியக் கடலிலும் அட்லாண்டிக் பெருங்கடலிலும் போட்ட ரிக்கோவிலிருந்து 50 மைல் தொலைவில் அமைந்துள்ளது. இம்மண்டலத்தில் நான்கு முக்கிய தீவுகள் அமைந்துள்ளன:செயிண்ட்.ஜோன், செயிண்ட். தோமஸ், செயிண்ட்.குரொயிஸ், தன்னீர்த் தீவு இவற்றுக்கு மேலதிகமாக பல சிறிய தீவுகளையும் மணல்மேடுகளையும் கொண்டுள்ளது.

அமெரிக்க கன்னித் தீவுகள் அதன் வெள்ளை கடற்கரைகளுக்கும் கேந்திர முக்கியத்துவம் வாய்ந்த துறைமுகங்களுக்கும் பிரசித்தமானதாகும். செயிண்ட். தோமஸ் தீவு அடங்கலாக பெரும்பான்மையான தீவுகள் எரிமலை மூலம் தோன்றியத் தீவுகளாகக் காணப்படுகின்றன. உயரமான மலை முகடான கிரவுண் மலை (474 மீட்டர்) செயிண்ட். தோமஸ் தீவில் காணப்படுகிறது. மண்டலத்தின் மிகப்பெரியத் தீவான செயிண்ட்.குரொயிஸ் மண்டலத்தின் தெற்கில் அமைந்துள்ளதோடு இது தட்டையான புவியியல் அமைப்பைக் கொண்டுள்ளது. செயிண்ட்.ஜோன் தீவின் பரப்பில் அரைவாசிக்கும் மேலானப் பகுதியும் அசெல் தீவின் முழுமையும் பல ஏக்கர் முருகைப் பாறைகளும் அமெரிக்க வனத்துறை சேவைகளுக்கு சொந்தமானதாகும்.

அமெரிக்க கன்னித்தீவுகள் வட அமெரிக்கப் புவியோட்டினதும் கரிபிய புவியோட்டினதும் எல்லையில் காணப்படுகிறது. இங்கு புவி அதிர்ச்சி, சூறாவளி, சுனாமி போன்ற இயற்கை அனர்த்தங்கள் காணப்படுகின்றன.

[தொகு] அரசியல்

அமெரிக்க கன்னித் தீவுகள் ஐக்கிய அமெரிக்காவிற்குரிய மண்டலமாகும். இம்மண்டலதின் குடிகள் சட்டத்தின் படி அமெரிக்க குடிகளாக இருந்தாலும் அமெரிக்க அதிபர் தேர்தலில் வாக்களிக்க முடியாது. ஆனால் இம்மண்டலத்தின் குடிகள் அமெரிக்காவின் 50 மாநிலங்களில் ஏதாவது ஒன்றில் குடியேறும் போதுதிபர் தேர்தலில் வாக்களிக்க உரிமைப் பெறுகின்றனர்.

இங்கு கன்னித்தீவுகளின் சனநாயகக் கட்சி, கன்னித்தீவுகளின் குடியரசுக் கட்சி, மக்கள் விடுதலை இயக்கம் ஆகிய மூன்று முக்கிய கட்சிகள் இயங்கி வருகின்றன. மேலதிகமாக வேட்பாளர்கள் சுயேட்சையாகவும் தேர்தல்களில் போட்டியிடுகின்றார்கள்.

அமெரிக்க கன்னித் தீவுகளிலிருந்து ஒரு ஒரு பிரதிநிதியை அமெரிக்க காங்கிரசுக்கு தெரிவுச் செய்கிறது. ஆனால் இப்பிரதிநிதியால் குழுநிலை வாக்கெடுப்பில் மட்டுமே கலந்துக் கொள்ள முடியும் காங்கிரஸ் பொது வாகெடுப்பில் கலந்துக் கொள்ள முடியாது. தற்போதைய பிரதிநிதி டொனா கிறிஸ்டீன்சன்.

மண்டல மட்டத்தில் 15 சட்டவாக்கக் கழக உறுப்பினர்கள் ( செயிண்ட்.குரொயிஸ் மாவட்டதிலிருந்து 7 பேர், செயிண்ட். தோமஸ் மற்றும் செயிண்ட்.ஜோன் மாவட்டங்களிலிருந்து 7 பேர் மற்றும் செயிண்ட்.ஜோன் மாவட்டதிலிருந்து 1 விசேட பிரதிநிதி) ஓரவை சட்டவாக்கக் கழகத்துக்கு 4 ஆண்டு பதவிக் காலத்துக்குத் தெரிவுச் செய்யப்படுகின்றனர். 1970 ஆம் ஆண்டிலிருந்து நான்காண்டுகளுக்கு ஒரு முறை மண்டல ஆளுனர் ஒருவரை வாக்கெடுப்பு மூலம் தெரிவுச் செய்து வந்துள்ளது. 1970க்கு முன்னர் ஐக்கிய அமெரிக்காவின் அதிபர் ஆளுனர்களை நியமித்து வந்தார்.

அமெரிக்க கன்னித்தீவுகள் மாவட்ட, உயர்,உச்ச நீதிமன்றங்களைக் கொண்டுள்ளது. மாவட்ட நீதிமன்றம் சட்ட ஒழுங்க்குக் பொறுப்பாக உள்ளது. உயர் நீதிமன்றம் அமெரிக்க கன்னித் தீவுகளின் நீதிக்கு பொறுப்பாக உள்ளதோடு உச்ச நீதிமன்றம் உயர் நீதிமன்றத்திலிருந்து வரும் வினவல்களை விசாரிக்க பொறுப்பாக உள்ளது. உயர் நீதிமன்ற நீதிபதிகள் ஆளுனராலும் உச்ச நீதிமன்ற நீதிபதிகள் அமெரிக்க அதிபராலும் நியமிக்கப் படுகின்றனர்.

ஐக்கிய அமெரிக்காவால் இத்தீவுகளுக்கு விடுதலை அல்லது மாநில அந்தஸ்த்து வழங்கும் நோக்கில் மேற்கொள்ளப்பட்ட மக்கள் கருத்துக் கணிப்புகள் மக்கள் ஆதரவைப் பெறாத நிலையில் இத்தீவுகள் தொடர்ந்தும் ஐக்கிய அமெரிக்காவின் மண்டலாமாக இருக்கும்.

இத்தீவுகளுக்கு விடுதலை அளிக்க அமெரிக்கா முன்வந்ததைக் கருதாமல் ஐக்கிய நாடுகள் அவையின் அடிமை நாடுகள் ஒழிப்புக் குழு அமெரிக்க கன்னித் தீவுகளை சுயாட்சியற்ற மண்டலங்களாக பட்டியலிட்டுள்ளது.

[தொகு] பொருளாதாரம்

உல்லாசப்பிரயாணத் தொழிற்துறை இம்மண்டலத்தின் பொருளாதாரத்தின் முக்கிய பங்கை வகிக்கிறது. இத்தீவுகள் ஆண்டுக்கு அண்ணளவாக 2 மில்லியன் உல்லாசப்பிரயாணிகளைக் கவர்கின்றது. இவர்களில் பெருமபாலோனோர் உல்லாசப் பிரயாணக் கப்பல்கள் மூலமே இங்கு வருகின்றனர்.

உற்பத்தித் தொழிற்துறையில் பெற்றோலியம் சுத்தீகரிப்பு, ஆடை உற்பத்தி, இலத்திரனியல் உற்பத்தி, ரம் வடிக்கட்டல், மருந்து உற்பத்தி, கடிகார உற்பத்தி போன்றவை முக்கியமானவையாகும். பன்நாட்டு வணிக நிறுவனங்களின் முதலீடுகள் மிகக் குறைவாகக் காணப்பட்டாலும் இத்துறையும் வளர்ந்து வருகின்றது. விவசாயத்துறை சிறியதாகும் பெரும்பாலான உணவுப் பொருட்கள் இறக்குமதி செய்யப்படுகின்றன. உலகின் மிகப்பெரிய பெற்றோலிய சுத்தீகரிப்பகங்களில் ஒன்று செயிண்ட். குரோயிக்ஸ் தீவில் அமைந்துள்ளது.

இத்தீவுகள் பகலொளி சேமிப்பு நேரத்தில் பங்குக் கொள்வதில்லை. ஐக்கிய அமெரிக்கா சீர் நேரத்தில் இருக்கும்போது அமெரிக்க கன்னித் தீவுகள் 1 மணித்தியாலம் முன்னால் இருக்கும். ஐக்கிய அமெரிக்கா பகலொளி சேமிப்பு நேரத்தில் இருக்கும்போது ஐக்கிய அமெரிக்காவும் அமெரிக்க கன்னித் தீவுகளும் ஒரே நேரத்தைக் கொண்டுள்ளன.

இத்தீவுகள் அயணமண்டல புயல்களுக்கும் சூறாவளிகளுக்கும் ஆளாகின்றன. அமெரிக்க கன்னித்தீவுகள், பாதையில் வாகனங்கள் இடதுபுறமாக பயணிக்கும் வழக்கு கொண்ட ஐக்கிய அமெரிக்காவின் ஒரே பகுதியாகும். இருப்பினும் இங்க்குள்ள வாகனங்கள் சாரதி ஆசனத்தை இடதுபுறம் கொண்டவையாக விளங்குகின்றன.

[தொகு] மக்கள் கணிப்பியல்

2000 ஆம் ஆண்டு நடைப்பெற்ற மக்கள் தொகை கணிப்பீட்டின் படி இங்கு மொத்தம் 108,612 பேர் வசிக்கின்றனர். இவர்களுள் 76.19% கருப்பினத்தவர் அல்லது ஆபிரிக்க வம்சாவழியினர், 13.09% வெள்ளையினத்தவர், 7,23% ஏனைய இனத்தவர், 3.49% கலப்பினத்தவர் ஆவர். எந்த இனத்திலும் இலதீனோ அல்லது இஸ்பானிய மரபினர் 13.99% ஆக காணப்பட்டது.

இங்கு 40,648 வீடுகள் காணப்பட்டன, அவற்றுள் 34,7% வீடுகளில் 18 வயதிற்கும் குறைந்த வயதுடைய குழந்தைகள் காணப்பட்டன, 33.2 சதவீதமான விடுகளில் மணமுடித்த தம்பதியினர் மட்டும் வசித்தனர், 24.9 சதவீதமான வீடுகள் பெண் குடும்ப தலைவியைக் கொண்டிருந்தன, மேலும் 34.5 சதவீதமாந வீடுகள் குடும்பங்களைக் கொண்டிருக்கவில்லை. எல்லா வீடுகளினது 30.2 சதவீதமான வீடுகளில் தனிநபர்களே வசித்து வந்தனர். 6.3 சதவீதம்மன வீடுகள் 65 வயதிற்கு மேற்பட்டு தனியாக் அவாழும் நபர்களைக் கொண்டிருந்தது. சராசரி வீட்டில் 2.64 பேர் வசிப்பதோடு ஒரு குடும்பத்தில் சராசரியாக 3.34 பேர் வசிக்கின்றனர்.

இம்மண்டலத்தின் மக்கள் தொகையில் 31.6 சதவீதமானோர் 18 வயதிலும் குறைவானவர்களாவர், 8 சதவீதமானோர் 18 தொடக்கம் 24 வயதுக்குட்பட்டவர்களாவர், 27.1 சதவீதமானோர் 25 வயதுக்கும் 44 வயதுக்குட்பட்டவர்களாவர், 24.9 சதவீதமானோர் 44 தொடக்கம் 64 வயதுக்குட்பட்டவர்களாவர், 8.4 சதவீதமானோர் 64 வயதை விட கூடியவர்களாவர். இடைய வயது 33 ஆகும். ஒவ்வொரு 100 பெண்களுக்கும் 91.4 ஆண்களும், 18வயதும் அதற்க்கு மேற்பட்ட வயதைக் கொண்ட ஒவ்வொரு 100 பெண்களுக்கும் 87.7 ஆண்கள் காணப்படுகின்றனர். ஆண்டு மக்கள்தொகை வளர்ச்சிவீதம் -0.12% ஆகும்.

வீடு ஒன்றிந் தளா ஆண்டு வருமானம் $24,704 அமெரிக்க டொலராகவும் குடும்பமொன்றின் தளா ஆண்டு வருமானம் $28,553 அமெரிக்க டொலராகவும் காணப்பட்டது. ஆண்களி சராசரி வருமானம் $28,553 அமெரிக்க டொலராகவும் பெண்களில் அது $28,309 அமெரிக்க டொலராகவும் காணப்பட்டது. 28.7 சதவீமான குடும்பங்களும் 32.5 சதவீதமான மக்களும் வறுமைக் கோட்டுக்கு கீழ் வசிக்கின்றார்கள்.

[தொகு] மாவட்டங்களும் துணை மாவட்டங்களும்

ஐக்கிய அமெரிக்க கன்னித் தீவுகள் இரண்டு மாவட்டங்களாகவும் 20 துணை மாவட்டங்களாகவும் பிரித்து நிர்வகிக்கப் படுகிறது. மாவட்டங்களும் துணை மாவட்டங்களும் பின்வறுமாறு:

• செயிண்ட்.குரொயிஸ்
• செயிண்ட். தோமஸ்/செயிண்ட்.ஜோன்/தன்னீர்த் தீவு

செயிண்ட்.குரொயிசின் துணை மாவட்டங்கள்: அன்னாஸ் ஓப் கிராமம் கிறிஸ்டியன்ஸ்டெட் கிழக்கு மூளை ( செயிண்ட்.குரொயிஸ்) பிரெட்ரிக்ஸ்டெட் வடமத்திய வடமேற்கு சியொன் பண்ணை தென் மத்திய தென்மேற்கு

செயிண்ட். தோமசின் துணை மாவட்டங்கள்: சார்லொட் அமலீ கிழக்கு மூளை(செயிண்ட். தோமஸ்) வடபக்கம் தென்பக்கம் டுடு அசல் தீவு மேற்கு மூளை செயிண்ட்.ஜோனின் துணை மாவட்டங்கள் : மத்தி கொரல் குடா குருஸ் குடா கிழக்கு மூளை (செயிண்ட்.ஜோன்)

[தொகு] இவற்றையும் பார்க்க

• பிரித்தானிய வெர்ஜின் தீவுகள்

[தொகு] மேற்கோள்கள்

• Virgin Islands of the United States, United States Census Bureau

1. ↑ 2000 Population Counts for the U.S. Virgin Islands, U.S. Census Bureau.
2. ↑ Wilson, Samuel M. ed. The Indigenous People of the Caribbean. Gainesville: University Press of Florida, 1997. ISBN 0813016924
3. ↑ ^{3.0 3.1} A Brief History of the Danish West Indies, 1666-1917, Danish National Archives
4. ↑ Anderson, David G. Archaeology in the Caribbean: The Water Island Archaeological Project. Paper presented at the Annual Meeting of the Southeastern Archaeological Conference, Greenville, S.C., 12 November 1998. Online publication by National Park Service, US Dep of the Interior. Retrieved 6 September 2007.
5. ↑ Poinski, Megan. "Water Island appears frozen in time, but big plans run under the surface - V.I. says land acquired from the feds is about to undergo large-scale improvements". The Virgin Islands Daily News, 18 November 2005, online edition. Retrieved 6 September 2007.

[தொகு] வெளியிணைப்புகள்

[தொகு] அதிகாரபூர்வ தளங்கள்

• டென்மார்க் ஐக்கிய அமெரிக்கா இடையான ஒப்பந்தம்
• கன்னித் தீவுகள் அரச உல்லாசப்பிரயாண துறைத் தளம்
• பரிமாற்ற நாள் - அமெரிக்க கன்னித் தீவுகளின் டென்மார்க் உயர்ஸ்தானிகர் அலுவலகம்
• அமெரிக்க கன்னித் தீவுகள் - சி.ஐ.ஏ. உலக உண்மைகள் நூல்
• "Scholten and the emancipation of Danish Slaves in the Danish West Indies"
• அமெரிக்க கன்னித் தீவுகள் ஆளுனரின் தளம்
• USGS real-time, புவியியல் தொழில்நுட்ப வளங்கள்
• துணை ஆளுனரின் அலுவலகம்

[தொகு] செய்தித் தளங்கள்

• The Virgin Islands Daily News - Daily newspaper in St. Thomas
• St. Croix Source - Daily online news source from St. Croix
• St. John Tradewinds - Weekly newspaper in St. John

புவியியல் அமைவு

பா • உ • தொ கரிபிய நாடுகளும் மண்டலங்களும் விடுதலை பெற்ற நாடுகள் பொதுநலவாய ரீலாம் அன்டிகுவா பர்புடா · பகாமாசு · பார்படோசு · கிரெனடா · யமேக்கா · செயிண்ட். கிட்ஸ் நெவிஸ் · செயிண்ட். லூசியா · செயிண்ட். வின்செண்ட் கிரெனேடின்ஸ் பொதுநலவாய குடியரசுகள் டொமினிக்கா · திரினிடாட்டும் டொபாகோவும் ஏனைய குடியரசுகள் கியூபா · டொமினிகன் குடியரசு · எய்ட்டி சார்பு மண்டலங்களும் ஏனைய மண்டலங்களும் பிரித்தானிய அங்கியுலா · பிரித்தானிய கன்னித் தீவுகள் · கேமன் தீவுகள் · மொன்செராட் · துர்கசும் கைகோசும் டச்சு அருபா · நெதர்லாந்து அண்டிலிசு  (Bonaire • Curaçao • Saba • Sint Maarten • Sint Eustatius) பிரெஞ்சு கௌதலூபே · மார்டீனிக் · St. Barthélemy · செயிண்ட். மார்டீன் அமெரிக்கா புவேர்ட்டோ ரிக்கோ · அமெரிக்க கன்னித் தீவுகள் பா • உ • தொ நடு அமெரிக்க நாடுகளும் மண்டலங்களும் நாடுகள் - மண்டலங்கள் அங்கியுலா (ஐஇ) · அன்டிகுவா பர்புடா · அருபா (டச்சு) · பகாமாசு · பார்படோசு · பெலிசு · பிரித்தானிய கன்னித் தீவுகள் (ஐஇ) · கேமன் தீவுகள் (ஐஇ) · கோஸ்ட்டா ரிக்கா · கியூபா  · டொமினிக்கா · டொமினிகன் குடியரசு · எல் சல்வடோர் · கிரெனடா · கௌதலூபே (பிரா) · கோதமாலா · எய்ட்டி · ஒண்டூராஸ் · யமேக்கா · மார்டீனிக் (பிரா) · மெக்சிகோ · மொன்செராட் (ஐஇ) ·நவாசா தீவு (அகூநா) · நெதர்லாந்து அண்டிலிசு (டச்சு) · நிக்கராகுவா · பனாமா · புவேர்ட்டோ ரிக்கோ (அகூநா) · செயிண்ட். பர்தலமேயு (பிரா) · செயிண்ட். கிட்ஸ் நெவிஸ் · செயிண்ட். லூசியா · செயிண்ட். மார்டீன் (பிரா) · செயிண்ட். வின்செண்ட் கிரெனேடின்ஸ்  · திரினிடாட்டும் டொபாகோவும · துர்கசும் கைகோசும் (ஐஇ) · அமெரிக்க கன்னித் தீவுகள் (அகூநா) பா • உ • தொ ஐக்கிய அமெரிக்காவின் அரசியல் பிரிவுகள் மாநிலங்கள் AL அலபாமா · AK அலாஸ்கா · AZ அரிசோனா · AR ஆர்கன்சா · CA கலிபோர்னியா · CO கொலராடோ · CT கனெடிகட் · DE டெலவெயர் · FL புளோரிடா · GA ஜோர்ஜியா · HI ஹவாய் · ID ஐடஹோ · IL இலினொய் · IN இந்தியானா · IA அயோவா · KS கேன்சஸ் · KY கென்டக்கி - LA லூசியானா · ME மேய்ன் · MD மேரிலாந்து · MA மாசசூசெட்ஸ் · MI மிச்சிகன் · MN மினசோட்டா · MS மிசிசிப்பி · MO மிசூரி · MT மொன்டானா · NE நெப்ராஸ்கா · NV நெவாடா · NH நியூ ஹாம்சயர் · NJ நியூ ஜெர்சி · NM நியூ மெக்சிகோ · NY நியூ யார்க் · NC வட கரொலைனா · ND வட டகோட்டா · OH ஒகையோ · OK ஓக்லஹோமா · OR ஒரிகன் · PA பென்சில்வேனியா · RI ரோட் தீவு · SC தென் கரொலைனா · SD தென் டகோட்டா · TN டென்னிசி · TX டெக்சஸ் · UT யூட்டா · VT வெர்மான்ட் · VA வர்ஜீனியா · WA வாஷிங்டன் · WV மேற்கு வர்ஜீனியா · WI விஸ்கொன்சின் · WY வயோமிங் சிறப்பு மாவட்டம் DC வாஷிங்டன், டி.சி. ஆட்சி பகுதிகள் AS அமெரிக்க சமோவா · பேக்கர் தீவு · GU குவாம் · ஔலன்ட் தீவு · ஜார்விஸ் தீவு · ஜான்ஸ்டன் பவழத்தீவு · கிங்மன் பாறை · மிட்வே தீவுகள் · நவாசா தீவு · MP வட மரியானா தீவுகள் · பால்மைரா பவழத்தீவு · PR புவேர்ட்டோ ரிக்கோ · VI அமெரிக்க கன்னித் தீவுகள் · வேக் தீவு ஆள்கூறுகள்: 18°20′N, 64°50′W