Glesga

Frae Wikipedia

Template:FA/17 Mey 2007[[Template:FA/Error: invalid time]]

Glesga (Inglis: Glasgow; Scots Gaelic: Glaschu) is Scotland's maist muckle ceity, on the River Clyde in wast-central Scotland. It is kent as Glesga by folks frae the wast o Scotland an usually Glesga or Glesgae bi folks frae the aest.

Table o contents 1 The Ceity 2 Coat o Airms 3 History 3.1 Foondin o the ceity 3.2 Glesga Cathedral 3.3 Varsitie o Glesga 3.4 Industrie an the Industrial Revolution 4 Glaswegian 5 Sport 5.1 Fitbaa 5.2 Rugby 6 Transport 6.1 Glesga Unnergrund

[edit] The Ceity

The Ceity o Glesga is kent as the commercial caipital o Scotland. Hit is a gey an thrang cosmopolitan European ceity. It haes a population o 1, 700, 000 doun frae its 1960s heichness o 2.1 million that's maist due tae owerskail o fowks intae new touns sic as East Kilbride an Cumbernauld.

The name comes frae the aulder Erse wird glas cu which in turn cam frae the Pecht leid (tak note o modren Gaelic Glaschu), that means green hollow. A "dear green steid" haes been aftimes misquotit as a Gaelic translation for the ceity, bit this wis actuallie Daniel Defoe's ootlinin o the ceity whan he cam in the early 18t century; he claimed that Glesga wis "the cleanest and beautifullest, and best built City in Britain, London excepted" an aa. At that time, the ceity wis biggit wi gey attractive, compact widden biggins, nane still staundin. Glesga is the thrid maist popular tourist destination in the UK ahint Lunnon an Edinburgh an it haes Britain's seicont biggest shoppin centre.

[edit] Coat o Airms

The coat o airms shaws Glesga's patron saint, Saint Kentigern forby kent as Saint Mungo, an it his fower emblems - a bird, a tree, a bull, an a fish. The emblems represents miracles Saint Mungo is said tae hae performed. The motto o the ceity is "Let Glasgow Flourish" an this is pairt o the airms. The motto comes frae Saint Mungo's oreiginal sermon: "Let Glasgow flourish by the preaching of the word and the praising of thy name". The oreeginal version is written on a bell shaped in 1637 that says "Lord let Glasgow flovrichse throvgh the preaching of thy word and praising thy name".

Local bairns is teached tae mynd the airms uisin the follaein verse:

Here's the bird that never flew

Here's the tree that never grew

Here's the bell that never rang

Here's the fish that never swam

The motto wis o shortsyne mynt in a sang caw'd "Mother Glasgow" by Hue and Cry, a popular muisic curn o Glesga oreegin.

[edit] History

[edit] Foondin o the ceity

Glesga wis the steid o monie communities for centuries afore Christ, wi the River Clyde providing a guid settin for fishin. The Romans aft bug ootposts in ða airt an, tae haud Roman Britannia apairt frae the Celtic an Pecht Caledonia, bug the Antonine Waw, that can be seen in Glesga the day.

Glesga itsel wis foondit bi the Christian meesionar Saunt Mungo in the 6t century. He foondit a kirk on ða Molendinar Burn, whaur the Glasgow Cathedral nou staunds, an in the eftergangin years Glesga becam a releegious centre.

[edit] Glesga Cathedral

By the 12t century Glesga haed been gien the staundin o whit can nou be cryed a ceity an the cathedral wis the saite o the Bishops an Archbishops o Glesga. While there micht hae been widden biggins on the site, the first stane cathedral wis consecrate in aboot 1136 an gotten rid o for a muckler ane that wis consecrate in 1197. Extensions an alterins tae the cathedral biggins haes gaen on sinsyne. The maist recent addition is the Millenium Windae unveiled on 3 June 1999 by Princess Anne.

[edit] Varsitie o Glesga

In 1451 the Varsitie o Glesga wis foondit by papal bill an establisht in releigious biggins in the precincts o Glesga Cathedral. By the stairt o the 16t century, Glesga haed become an important releigious an academic ceity an by the 17t century the varsitie haed flittit frae the cathedral precincts til its ain biggin in the Hie Street.

[edit] Industrie an the Industrial Revolution

Bi the 16t century, the ceity's treds an craftsmen haed begoud tae wield signeeficant influence an the ceity haed become an important center o troke wi the Clyde giein access tae the ceity an the lave o Scotland for merchant shippin. The ingate intil the Atlantic ocean alloued the inbringin o American tobacca an Caribbean sugar, that wis syne tradit athort the British Isles an continental Europe.

The de-siltin o the Clyde in the 1770s alloued bigger ships tae muive faurther up the river, thus layin the foonds for industrie an shipbiggin in Glesga in the 19t century.

The rowth o coal an iron in Lanarkshire led tae Glesga becomin an industrial ceity — in the hinder end named "The Seicont Ceity o the Empire". Cotton factories an textile mills becam employers o monie fowk in Glesga an the local airt.

Troke alloued muckle walth tae be generatit for some in the ceity. The merchands makkit spectacular biggins an monuments that can still be seen the day, an reinvested their money in industrial development for tae help Glesga growe further. In 1893 the burgh wis constitutit as the Coontie o the Ceity o Glesga. Glesga becam ane o the walthiest ceeties in the warld, an pairks, museums an libraries wis aa opened durin this time.

[edit] Glaswegian

As weel as bein whit ye cry a bodie frae Glesga, Glaswegian is whit ye cry the byleid uised by monie in the ceity. Modren anglocentric snobbery means that the byleid is leukit upon as a shamefu thing yet athin it ye can find nae juist a walth o vocabular but the daurk humour foond in wry turns o phrase that comes frae a profoond common experience. A Glaswegian in full flowe aften leaves e'en his neebours in Edinburgh nane the wiser as tae the pynt o the conversation.

[edit] Sport

[edit] Fitbaa

Glesga's main sport is nae dout fitbaa as the ceity is hame tae Scotland's twa maist muckle fitbaa teams (Rangers Fitbaa Club an Celtic Fitba Club) as weel as the Scots Naitional Fitbaa Team's grund, Hampden Pairk. It is byordinar for a ceity that isna the caipital tae hae the naitional fitbaa grund. Thare are wee coars an aw: Queen's Park, that plays at Hampden Pairk, Partick Thristle, an Clyde.

[edit] Rugby

Glesga haes a professional rugby coar an aw (Glesga Warriors) wha play in the Celtic League at Hughenden.

[edit] Transport

[edit] Glesga Unnergrund

Glesga is the ae ceety in Scotland tae hae a unnergrund railwey. Glesga Unnergrund is the thrid auldest in the warld efter Lunnon an Budapest. It wis openet on the 14t Dizember 1896 an haes niver been lenthent. It has fifteen stations, crosses the Clyde twice, haes twa connections wi the naitional railwey netwirk, an haes caur paiks at fower stations.