Trondheim
Frå Wikipedia – det frie oppslagsverket
| Våpen | Kart |
|---|---|
 |
 |
| Grunnleggjande opplysningar | |
| Kommunenr: | 1601 |
| Fylke: | Sør-Trøndelag |
| Administrasjonssenter: | Trondheim |
| Flatevidd: | 342 km² |
| Folketal: | 165 191 (2008) |
| Politikk | |
| Ordførar (2007-): | Rita Ottervik (Ap) |
| Målform: | Nøytral |
| Nettstad: | www.trondheim.kommune.no |
Trondheim, tidlegare Trondhjem (sørsamisk Råante), er ein by og kommune i Sør-Trøndelag fylke. I mellomalderen heitte byen Nidaros. Med omtrent 160 000 innbyggjarar (1. april 2006) er han den tredje største byen i Noreg.
Byen har eit universitet, Norges teknisk-naturvitenskapelige universitet eller NTNU, og Gråkallbanen, den einaste noverande trikkelinja i Noreg utanfor Oslo.
Trondheim er vennskapsby med Odense i Danmark, Norrköping i Sverige, Tammerfors i Finland, Darmstadt i Hessen (Tyskland), Graz i Østerrike, Tiraspol i Moldova/Transnistria, Keren i Eritrea, og Ramallah på Vestbredden.
Innhaldsliste |
[endre] Historie
Tradisjonen seier at Olav Tryggvason grunnla byen i 997, men det er mykje som tyder på at det då allereie var ein tettstad på staden. Bygginga av Nidarosdomen tok til i 1070, over grava til Heilag-Olav, og kyrkja stod ferdig om lag 1320.
Trondheim har hatt fleire store bybrannar, den mest kjende er Hornemansbrannen den 19. april 1681. Etter denne brannen kom Johan Caspar von Cicignon frå Luxembourg for å laga ein ny plan for byen. Han braut heilt med den gamle bystrukturen frå mellomalderen og dreiv igjennom vide, rette gater for å hindra fleire slike storbrannar. Denne planen pregar fortsatt bybiletet. Dessverre var ikkje dette nok, husa var fortsatt av tre og tok like lett fyr. Ein ny brann i 1708 øydela heile sentrum i byen. Etter to storbrannar i 1841 og 1842 innførte bystyret murtvang, det vil seie at bygningane vart bygde i mur heller enn tre, og det vart slutt på store bybrannar.
[endre] Namn
Kaupang er eit gammalt namn på byen, men Nidaros er nok betre kjent. Dette norrøne namnet vart gjeve tilbake til byen 1. januar 1930, då han skifta namn frå Trondhjem. Etter ei bitter namnestrid vart han døypt om til Trondheim året etter. Mange innbyggjarar kallar han likevel fortsatt Trondhjem med lokal uttale.
[endre] Grenser
Opphavleg var Trondheim by området på byhalvøya, medan områda rundt høyrde til Strinda herad. Han vart utvida fleire gonger og fekk grensen han no har i 1964, då kommunane Strinda, Byneset, Leinstrand og Tiller blei slått saman til den nye kommunen Trondheim.
[endre] Utdanning
[endre] Videregående
Trondheim har i dag elleve videregåande skuler. Den mest kjende er Trondheim katedralskole, som blei stifta i 1053 og er den eldste skulen i Noreg.
[endre] Høgskule
[endre] Universitet
NTNU er Noregs nest største universitet med rundt 20 000 studentar. NTNU blei oppretta i 1996 som ei vidareføring av Universitetet i Trondheim (UNIT). UNIT blei til i 1968 ved at Norges tekniske høgskole (NTH), Vitenskapsmuseet (VM) og Norges lærerhøgskole (NLHT) vart slått saman.
[endre] Kjende personar frå Trondheim kommune
- Peter Wessel Tordenskjold (f. 1690), sjøoffiser
- Hjalmar Andersen (f. 1923), skøyteløpar
- Kristofer Kristofersen (1851–92), norsk forfattar og journalist
- Erlend Loe (f. 1969), forfattar
- Liv Ullmann (f. 1939), skodespelar og regissør
- Arve Tellefsen (internasjonalt kjent fiolinist).
[endre] Verd å vitja
- Nidarosdomen
- Erkebispegården
- Munkholmen
- Kristiansten Festning
- Stiftsgården
[endre] Museum
- Trøndelag Folkemuseum (Sverresborg Museum)
- Telemuseet
- Sjøfartsmuseet
- Vitenskapsmuseet
- Rustkammeret
- Ringve Museum
- Norsk Rettsmuseum
- Sporveismuseet
- Nordenfjeldske kunstindustrimuseum
- Det jødiske museet
[endre] Militære
Desse militæravdelingane finst i Trondheim:
- Luftkrigsskolen
- Sør-Trøndelag Heimevernsdistikt
- Landsdelskommando Sør-Norge (skal leggjast ned)
- Rustkammeret
[endre] Bakgrunnsstoff
- http://www.trondheim.kommune.no/
- http://www.trondheim.com
- Trondheimsbilder- historiske bilete frå Trondheim
 |
|
