Germania Inferior
Van Wikipedia
Dit artikel is gesjreve in 't Tegels. 't Weurt gewaardeerd óm in dit artikel 't Tegels aan te hauwe of aan te gaeve welk anger dialek gebroek is.
Germania Inferior (Ónger-Germanieë) waas ein provins van 't Romeins Riek.
De provins waer gelaege in 't hujige Zuud-Nederland, Oêsj-Belsj en Pruses links van de Rien en had as hoofdstad Colonia Agrippinensis (Kölle). Anger belangrieke plaatse ware Bonna (Bonn), Colonia Ulpia Traiana (Sante), Noviomagus (Nimwege) en Trajectum (ad Rhenum) (Utrei), in Belsj Limburg Atuatuca Tungrorum (Tongere) en in Nederlands Limburg Trajectum ad Mosam (Mestreech) en in Coriovallum (Heële).
De bewoëners van dees gebiede kwame veur 't ieërs in aanraking met de Romeine tiedes de Gallische Oorlog van Julius Caesar. Vanaaf zoeëget 50 v.Chr. woorde heej de ieërste Romeinse plaatse gestich. Germania makde toen nag deil oet van de provins Gallia Belgica. In 't jaor 17 woort Germania door keizer Tiberius verdeild in twieë militaire grensgeweste, nag ummer ónger Gallia Belgica. In 't jaor 90 maakde keizer Domitianus d'r twieë volsjtendige provinses van: Germania Inferior (Ónger-Germanieë) en Germania Superior (Baove-Germanieë). De provinses bleve besjtoan tot 406.
