Diabete
De Wikipedia, le encyclopedia libere
Corrige le errores de grammatica, ortographia o stilo del articulo. Depost, elimina iste patrono.
Le diabete es un problema metabolic causate per le absentia o deficientia in le production de insulina, que es un hormone producite per le pancreas, responsabile pro le absorption del glucosa in le sanguine per le cellulas. Es le condition in le qual le organismo non es capabile de assimilar le sucro del alimentation. Illo es characterisate per le elimination abundante de urina e es causate per le insufficientia del secretion de insulina per le pancreas.
Existe plus de 150 millions de personas con diabete in le mundo. Secundo le Organisation Mundial de Sanitate, le projection pro 2025 es que iste numero superara le 300 milliones. Circa 50% del personas con diabete non cognosce lor condition.
In le intestino, le carbohydratos (fructos, nuces, vegetabiles, cereales) se transforma in glucosa (sucro utilisabile per le organismo). Iste glucosa es assimilate e normalmente usate per le corpore de manieras differente. In termos general, on pote dicer que le diabete es un maladia del metabolismo in le qual le organismo non ha conditiones de assimilar le glucosa – le sucro del alimentation que es transformate in le intestino. Le glucosa non es correctemente utilisate per le cellula, ni se accumula (in le forma de glicogenio) in le ficato o in le musculos, ma es simplemente eliminate per le urina. Viste que le sucro es un combustibile vital, nulle cellula pote subsister sin illo. Si le cellulas non recipe sucro per le medios normal, son obligate a formar lo del proteinas e del adipes (per iste le diabetic senti fragilitate e magri). Iste dificultate in transferer glucosa del systema circulatori pro le interior del cellulas, e le effortios excessive de compensation per parte del organismo, face con que le glucosa sanguinee augmenta (hyperglicemia). Ha duo typos de diabete: Typo 1 e Typo 2. Le typo 1 apare de manniera abrupte in infantes e juvenes. Occurre debite al destruction del cellulas del pancreas, que produce insulina. Per iste, require le uso de insulina in le tratamento. Representa approximatemente 10% del total de qui ha diabete. Le Typo 2 apare in adultos, generalmente post le 35 annos, con pauches signales e simptomas (al vices usque absente), le que permitte le evolution del diabete per multe annos sin diagnostico, ration per le qual pote passar despercebite, in media per usque 5 annos. In sue majoritate es tractate con comprimites, ma pote anque requirer le uso de insulina pro que le patientes poteva haber um melio qualitate de vita.
Existe altere formas de diabete, como le gestacional, le provocate per le uso de medicamentos, o per altere maladias del pancreas (tummores, etc...). Existe un forte relation de hereditarietate, essente que plus de 20 % del casos ha un del padres con le maladia. In le casos de geminos identic, si un fratre obtene le maladia, le altere ha 90 % o usque 100 % de obtener la anque. Al contrari del diabete typo 1, le pancreas produce insulina, ma le quantitate non es sufficiente pro esser usate per le corpore. Le personas attingite in general son obese. Le typo 2 es le typo de diabete plus frequentemente incontrate, constituinte 80% del casos. Actualmente ha casos de diabete typic de adultos in infantes obese de 8, 7 e usque 6 annos de etate.
Le signales e symptomas son sudor frigide, palpitation, acto de urinar multe vices e in grande quantitate, facto de haber multe fame e sete exaggerate, discoragiamento, fatiga, cicatrisation difficile, impotentia sexual, pression arterial alte, infection de pelle o grattamento, contortiones muscular, tremores, rapide alteration del peso (ganio o perdita), vision nebulose.
Le causas plus frequente son le excessos in le alimentation, stress nervose, vita sedentari, factores hereditari (que pote esser evitate con un dieta equilibrate), infection per virus, alcoholismo, abuso de excitante o drogas. Le stress provocate per infirmitate, accidente o tragedia personal pote disfrenar le diabete, que ha stato latente per annos.
Le complicationes del diabete son problemas coronari o vascular peripheric, nephropathia (maladia renal), neuropathia (maladia del nervos), retinopathias (maladia del oculos), infection, problemas con le pede. Ha adhuc le complicationes acute: hypoglicemia, hyperglicemia, cetoacidose. Le controle adequate del diabete e le manutention del HbA1c (hemoglobina glucosate) infra de 7%, preveni o retarda le complicationes del diabete.
Pro reguardar, le quatro puncto principal pro attinger e mantener un vita san son: activitate physica, nutrition equilibrate, monitorisation e medicamento. Qui ha diabete pote (e debe) levar vita normal, principalmente si es ben orientate per un medico endocrinologiste e si cognosce ben le subjecto.
