Lingua neerlandesa

Na Galipedia, a wikipedia en galego.

Neerlandés (Nederlands, Hollands, Vlaams)
Outros nomes:	Holandés
Falado en:	Países Baixos, Bélxica, Francia, Alemaña, Surinam, Antillas Holandesas, Aruba, Indonesia, África do Sur
Total de falantes:	30/44 million (Neerlandés: 23/27 mill., Afrikaans: 7/17 mill.
Posición:	40
Clasificación xenética:	Indoeuropeo Xermánica Xermánica occidental Saxónica baixa Franconia baixa Neerlandés
Estatuto oficial
Lingua oficial de:	Aruba Antillas Neerlandesas Bélxica Países Baixos Surinam Unión Europea
Regulado por:	Nederlandse Taaluníe
Códigos de lingua
ISO 639-1:	`nl`
ISO 639-2:	`dut`
ISO/DIS 639-3:	`nld`
SIL:	`DUT`
Mapa das áreas neerlandés falantes do mundo

O neerlandés é unha lingua de orixe xermánica. Forma parte do grupo xermánico occidental, e está próxima ao baixo alemán e ao frisón. Fálano aproximadamente uns 24 millóns de persoas no mundo, fundamentalmente nos Países Baixos e en Bélxica.

O neerlandés é idioma oficial nos Países Baixos, así como en Bélxica, nas dependencias neerlandesas do alenmar (Antillas Neerlandesas e Aruba), e na antiga colonia neerlandesa de Surinam.

Ademais, unhas 60.000 persoas fálano no noroeste de Francia, na zona fronteiriza con Bélxica. Tamén se fala reducidamente nalgunhas partes de Indonesia, onde fora a lingua da administración pública colonial neerlandesa.

[editar] Estandarización

A norma culta denomínase AN (Algemeen Nederlands ou "neerlandés xeral"), termo considerado menos elitista ca ABN (Algemeen Beschaafd Nederlands ou "neerlandés xeral culto"), utilizado antigamente. A Unión da Lingua Neerlandesa (Nederlandse Taalunie) encárgase de fixar a norma.

O neerlandés pódese aprender en máis de 250 universidades de todo o mundo, pero non en Galiza.

[editar] Dialectoloxía

Os grupos dialectais principais do neerlandés son cinco: o flamengo, o holandés, o baixo saxón, o brabantés e o limburgués. Os falares flamengos son os propios da parte sudoccidental dos Países Baixos e do oeste de Bélxica, así como da zona neerlandófona de Franza. Ás veces, dende unha perspectiva histórica, denóminase flamengo o neerlandés de Bélxica, independentemente de que este sexa lingüisticamente flamengo, brabantés ou limburgués.

[editar] Linguas relacionadas

O africán ou afrikaans é unha das linguas oficiais na República de Sudáfrica e ten unha importante base lingüística neerlandesa, ata o punto de que historicamente foi considerado un dialecto do neerlandés.

O papiamento é unha lingua crioula das Antillas Neerlandesas que integra termos españois, portugueses e neerlandeses.

[editar] Ligazóns externas

Como aprender neerlandés. Inclúe información sobre as universidades da Península Ibérica que ofertan neerlandés
A Unión da Lingua Neerlandesa.

	Linguas oficiais da Unión Europea
Búlgaro \| Checo \| Dinamarqués \| Neerlandés \| Inglés \| Estoniano \| Finés \| Francés Alemán \| Grego \| Húngaro \| Irlandés \| Italiano \| Letón \| Lituano \| Maltés Polaco \| Portugués \| Romanés \| Eslovaco \| Esloveno \| Castelán \| Sueco
Fonte: Sitio da Unión Europea