Glicosa

Na Galipedia, a wikipedia en galego.

Glicosa
Nome químico	6-(hidroximetil)oxano-2,3,4,5-tetrol
Sinónimo da D-glicosa	Dextrosa
Variedades da D-glicosa	α-D-glicosa; β-D-glicosa
Abreviaturas
Fórmula química	C6H12O6
Masa molecular	180.16 g mol−1
Punto de fusión	α-D-glicosa: 146°C β-D-glicosa: 150°C
Densidade	1.54 g cm−3
Número CAS	50-99-7 (D-glicosa)
Número CAS	921-60-8 (L-glicosa)

A glicosa é unha forma de azucre que se atopa nas froitas e no mel. É un monosacárido coa mesma fórmula empírica que a frutosa pero con diferente estrutura. É una hexosa (6 átomos de carbono) do tipo aldosa (presenta e grupo carbonílico de tipo aldehido), mentres que a frutosa é do tipo cetosa (presenta o grupo carbonílico de tipo cetona).

Recibe tamén o nome de dextrosa porque xira o plano de rotación da luz polarizada cara á dereita.

Todas as froitas naturais teñen unha certa cantidade de glicosa (a miúdo con frutosa), que pode ser extraída e concentrada para preparar un azucre alternativo. Pero a nivel industrial tanto a glicosa líquida (xarope de glicosa) como a dextrosa (glicosa en po) obtéñense a partir da hidrólise enzimática do amidón procedente de cereais (xeralmente trigo ou millo).

A molécula (C₆H₁₂O₆) é unha aldohexosa (aldehido pentahidroxilado) de tipo monosacárido. A glicosa é o segundo composto orgánico máis abundante na natureza, despois da celulosa. É a principal fonte de enerxía das células, mediante a degradación catabólica, e constitúe o compoñente principal de polímeros estruturais, como a celulosa, e de reserva enerxética, como o amidón.

Na súa forma (D-Glicosa) sofre unha ciclación cara a súa forma hemiacetálica para lograr as súas formas furano e pirano (D-glucofuranosa y D-glucopiranosa) que á súa vez presentan anómeros Alpha e Beta. Estes anómeros non presentan diferenzas de composición estrutural, pero si difiren polas súas características físicas e químicas. A D-(+)-glicosa é un dos compostos máis importantes para os seres vivos, incluíndo os humanos.

Na súa forma ß-D-glucopiranosa, unha molécula de glicosa únese a outra grazas ós -OH dos seus carbonos 1-4 para formar Celobiosa[1-4] a través dun enlace ß, e ó unirse varias destas moléculas, forma a celulosa.

[editar] Glicemia

A glicemia indícanos a taxa de glicosa no sangue. A glicemia normal establécese entre 0,8 e 1,1 gramos/litro. Esta taxa vén regulada polo fígado e polo páncreas. A glicosa almacénase no fígado en forma de glicóxeno e, cando o índice de glicemia baixa, unha enzima encárgase de transformar o glicóxeno en glicosa e liberala no torrente sanguíneo. Pola contra, cando os niveis de glicemia son altos, unha hormona, a insulina, segregada polo páncreas axuda a que as células capten glicosa. No momento da contracción muscular, os músculos esixen glicosa e o fígado libéraa no torrente sanguíneo para que chegue ás células musculares.

[editar] Véxase tamén

• Glícido
• Hipoglicemia
• Índice glicémico

v • d • e Principais familias bioquímicas
Ácidos nucleicos | Alcaloides | Aminoácidos | Carbohidratos | Carotenoides | Cofactores enzimáticos | Esteroides | Flavonoides | Glicósidos | Lípidos | Péptidos | Policétidos | Tetrapirroles | Terpenos
Análogos de ácids nucleicos:	Tipos de carbohidratos	Análogos de ácids nucleicos :
Xeral:	Aldosa | Cetosa | Furanosa | Piranosa
Xeometría:	Pentosa | Hexosa | Heptosa | Anomería | Conformación en Ciclohexano | Mutarotación
Pequenos/Grandes:	Dihidroxiacetona | Eritrosa | Eritrulosa | Gliceraldéhido | Sedoheptulosa| Treosa
Pentosas:	Arabinosa | Deoxiribosa | Lixosa | Ribosa | Ribulosa | Xilosa | Xilulosa
Hexosas:	Alosa | Altrosa | Frutosa | Fucosa | Glicosa | Galactosa | Gulosa | Idosa | Manosa | Psicosa | Ramnosa | Sorbosa | Tagatosa | Talosa
Disacáridos:	Lactosa | Maltosa | Sacarosa | Trehalosa
Polisacáridos:	Celulosa | Dextrina | Estaquiosa | Glicoxeno | Inulina | Amidón (Amilosa | Amilopectina) | Quitina
Glicosaminoglicanos:	Sulfatode condroitín | Sulfato de dermatán | Heparina | Sulfato de heparàn | Hialurona | Sulfato de Keratán
Aminoglicósidos:	Amikacina | Apramicina | Estreptomicina | Xentamicina | Kanamicina | Neomicina | Netilmicina | Paromomicina | Tobramicina