Coenzima

Na Galipedia, a wikipedia en galego.

Atención: Este artigo precisa un traballo de revisión.
artigo realmente incomprensible.
Por favor vexa a lista de Artigos con problemas e mellóreo de acordo coas indicacións que aparecen nesa páxina. Cando os problemas se resolvan retire esta mensaxe e borre a páxina da lista de artigos con problemas, pero por favor non quite esta mensaxe ata que estea todo solucionado.

Os coenzimas son cofactores orgánicos non proteicos, termoestables, que unidos a un apoenzima constitúen o holoenzima ou forma cataliticamente activa do enzima. Teñen en xeral baixa masa molecular (polo menos comparada co apoenzima) e son claves no mecanismo de catálise, por exemplo, aceptando ou doando electróns ou grupos funcionais, que transportan dun enzima a outro.

A diferenza dos enzimas, os coenzimas modifícanse e consomen durante a reacción química; por exemplo, o NAD redúcese a NADH cando acepta dous electróns (e un protón) e xa que logo esgótase; cando o NADH libera os seus electróns recupérase o NAD , que de novo pode actuar como coenzima.

[editar] Mecanismo de acción dos coenzimas

O mecanismo de acción básico dos coenzimas é o seguinte:

O coenzima únese a un enzima,
O enzima capta o seu substrato específico,
O enzima ataca ese substrato, arrincándolle algúns dos seus átomos,
O enzima cede ao coenzima eses átomos provenientes do substrato,
O coenzima acepta eses átomos e despréndese do enzima.
O coenzima non é o aceptor final deses átomos, senón que debe liberalos tarde ou cedo,
O coenzima transporta eses átomos e acaba cedéndoos, recuperando así a súa capacidade para aceptar novos átomos.

Este último paso é esencial para non esgotar a dotación de coenzimas dunha célula xa que os encimas xunto cos que actúa non poden realizar a reacción química sen o concurso do seu coenzima.

Cada coenzima está especializado en aceptar e transportar un tipo de átomos determinado; uns aceptan hidróxenos, outros grupos acetilo, etc. No entanto, os coenzimas non son nada específicos respecto dos encimas aos que se unen, de modo que un mesmo coenzima pode unirse a un gran número de enzimas distintos e é por iso que o número de coenzimas diferentes é relativamente baixo.

[editar] Principais coenzimas

Coenzima A

FAD (Flavin-adenín dinucleótido): transporte de electróns e protóns.
FMN (Flavín mononucleótido): transporte de electróns e protóns.
NAD (Nicotin-adenín dinucleótido): transporte de electróns e protones.
NADP (Nicotin-adenín dinucleótido fosfato): transporte de electróns e protones.
Coenzima A: transporte de grupos acetilo (por exemplo, na descarboxilación do acedo pirúvico).
Coenzima Q: transporte de electróns na cadea respiratoria.
Coenzima B12: transporte de grupos metilo ou hidróxenos entre moléculas.
Pirofosfato de Tiamina: forma parte, entre outros, do complexo piruvato deshidrogenasa.
Vitamina C

[editar] Coenzimas e vitaminas

Moitas vitaminas, ou os seus derivados, actúan como coenzimas:

Vitamina B1ou tiamina: o seu derivado, o pirofosfato de tiamina é esencial para o catabolismo de acedo pirúvico.
Vitamina B2 ou riboflavina: os seus derivados son nucleótidos encimáticos con gran poder reductor como o FAD ou o FMN .
Vitamina B3 ou niacina: os seus derivados son nucleótidos encimáticos con gran poder reductor como o NAD ou o NADP .
Vitamina B5 ou acedo pantoténico: o seu principal derivado é a coenzima A (Co-A), con grande importancia en procesos metabólicos.
Vitamina B6 ou piridoxina.
Vitamina B12 ou cianocobalamina: coenzima B12.
Vitamina E e Vitamina K: quimicamente similares ao coenzima Q.