Ano luz

Na Galipedia, a wikipedia en galego.

Ano luz é unha unidade de lonxitude, utilizada en astronomía, que corresponde á distancia percorrida no vacuo pola luz durante un ano. Máis precisamente, é a distancia percorrida por un fotón no vacuo a unha distancia infinita de calquera campo gravitatorio ou magnético, nun ano (Ano Gregoriano Medio) e a unha velocidade de 299.792.458 m/s.

Para calcular o valor en quilómetros de 1 ano luz, utilizando a velocidade indicada (299.792.458 m/s) e como tempo un Ano Gregoriano Medio (ver Calendario gregoriano) con 365,2425 días. Así temos que o ano luz mede 9.460.536.207.068,016 km (aproximadamente 9,46 billóns de quilómetros); ou tamén 63.241 unidades astronómicas (UA).

Outras unidades empregadas para medir distancias espaciais son o Parsec (equivalente a 3,26 anos luz) e mais o Segundo luz.

[editar] Feitos Varios

A luz bota case 8,3 minutos en chegar do Sol á Terra.
A sonda espacial máis distante, Voyager 1 estaba a 12,5 horas luz de distancia da Terra en xaneiro de 2004.
A estrela máis próxima coñecida, Proxima Centauri está a 4,22 anos luz de distancia.
Plutón está a 4 horas luz.
Alpha Centauri atópase a 4,3 anos luz.
Vega está a 26 anos luz.
A nosa galaxia, a Via Láctea, ten case 100.000 anos luz de diámetro.
O universo observable ten un radio de case 13.700 millóns de anos luz. Isto é porque o Big Bang ocorreu hai arredor de 13.700 millóns de anos (cunha incertidume de +/- 200 millóns de anos) e é imposible ver máis alén dese tempo. Ese radio expándese en todas as direccións á medida que pasa o tempo, é dicir, á velocidade de un segundo luz por segundo.

Como a nosa galaxia ten 100.000 anos luz de diámetro, unha nave espacial hipotética, viaxando próxima á velocidade da luz, precisaría de pouco máis de 100.000 anos para cruzala. Mentres que, iso só é verdade para un observador en repouso con relación á galaxia; a tripulación da nave espacial faría esa viaxe en apenas algúns minutos. Iso por causa da dilatación temporal dos reloxos en movemento explicada pola teoría da relatividade espacial. Por outro lado, a tripulación vería unha contracción da distancia da galaxia: do punto de vista deles, a galaxia aparentaría moi curta.