Trinidad en Tobago
Ut Wikipedy
 |
Jo wurde útnoege en foegje jo witten hjir ta. |
|
||||||||||||||||||||||||||||||||
De Republyk Trinidad en Tobago is in lân yn it súdeasten fan de Karibyske See, foar de kust fan Fenezuela. It bestiet út twa grutte eilannen en in tal lytsere eilannen. It grutste eilân is Trinidad; it eilân Tobago is folle lytser en net sa ticht befolke. Beide eilannen binne in part fan de boppenwynse eilannen fan de Lytse Antillen
Ynhâld |
[bewurkje seksje] Skiednis
Der is net safolle bekend oer de skiednis fan 'e eilannen foar dizze ûntdutsen waarden troch Christoffel Columbus op 31 july 1498. Hy neamde Trinidad nei de hillige trije-ienheid (yn it Spaansk besjut trinidad trije-ienheid) en Tobaga troch him Bella Forma (frysk: moaie formaasje). Letter waard de namme feroare nei Tobago, faaks oan it wurd tabak ûntliend.
De Spanjaarden fêstigen harren op Trinidad, njonkenlytsen feroare Tobago geregeld fan Jeropeeske eigner. Yn 1652 waard it eilân kolonisearre troch Kûrlân. Yn de 18e ieu kamen de eilannen ûnder Britsk regear en waarden gearfoege ta de koloanje Trinidad en Tobago
Nei de Twadde Wrâldkriich waarden der Amerikaanske marinebases op Trinidad fêstige en de eilannen waarden ûnôfhinkelik as part fan de West-Indyske Federaasje yn 1958. De federaasje waard fûl út-inoar en de naasje fan Trinidad en Tobago waard yn 1962 oprjochte.
Oan it begjin fan de 21e ieu is Trinidad en Tobago ien fan de lannen mei de measte wolfeart yn it Karibysk gebiet, harren oalje en ierdgas smyt in protte jild op, en de toerisme sektor waakst noch hieltyd, benammen op Tobago.
[bewurkje seksje] Polityk
De lieder fan de steat is de presidint, keazen troch it parlemint. Dit parlemint hat twa parten, de Senaat (31 sitten) en it Hûs fan fertsjinwurdigers (36 sitten). De leden fan de Senaat wurde oansteld troch de presidint. Leden fan it Hûs fan fertsjinwurdigers wurde keazen troch it folk, troch ferkiezings ienris yn de fiif jier.
De minister-presidint, dy't de wichtigste funksje hat yn it Hûs fan fertsjinwurdigers, wurdt oansteld troch de presidint, normaal wurdt de lieder fan de grutste partij keazen.
[bewurkje seksje] Kultuer
Trinidad en Tobago binne ferneamd troch de boarne fan de Kalypso musyk te wêze. In ferskaat fan kulturele en godstsjinstige saken meitsje in grut tal eveneminten mooglik. Der binne ferskate mingdûnsen lykas de Soka (mingd mei Kalypso), Parang (dûns mei Fenezolaanske ynfloeden), de chutney, pichakary (musykfoarm mei in Karibysk-Yndysk karakter) en fansels de ferneamde Limbo dûns.
Der is in brûzjende artistike ûmjouwing. Trinidad en Tobago hat twa literêre Nobel priis winners, V.S. Naipaul en D. Walcott. De ûntwerper Peter Minshall is net allinne troch syn karnavalsklean ferneamd, mar ek troch syn part yn de iepening seremony fan de Olympyske Spullen, it wrâldkampioenskip fuotbal yn 1994, de 1996 simmer-Olympyk en de 2002 winter-Olympyk, wêr't hy in priis mei wûn hat.
[bewurkje seksje] Ekonomy
Trinidad en Tobago hawwe in goede reputaasje fertsjinne as in ynfesteringsplak foar ynternasjonale bedriuwen. De lêste fjouwer jier hat de waaksende ierdgassektor in soad opsmiten. It toerisme is likegoed waaksend, mar lykwols net sa grut as de besibbe Karibyske eilannen. In lege ynflaasje en in hannelsoerskot op it eilân dogge fertuten. It jier 2002 waard markearre as solide groei yn de oaljesektor, foar in part fertrage troch politike ynlânske ûnwissens.
