Eurogunea
Wikipedia(e)tik
Euroguneko EB kideak
2009ko urtarrilaren 1ean sartuko den EB kidea (Eslovakia)
Sartzeko asmoa duen EB kidea
Sartzeko asmorik ez duen EB kidea (Erresuma Batua)
Sartzeko herri-galdeketa egiteko asmoa duen EB kidea (Danimarka)
Hitzarmen ofiziala duten EB kanpokoak
Hitzarmen ofiziala ez duten EB kanpokoak
Eurogunea euroa (€) erabiltzeko onartu duten Europar Batasuneko herrialde kideen gunea da. Honela monetaren inguruko batasuna eratu dute eta Eurosistema egin dute moneta-agintari gune honetan.
Eduki-taula |
[aldatu] Euroa darabilten Estatuak
[aldatu] Kide Ofizialak
15 kide dira Eurogunea osatzen dutenak: Alemania, Austria, Belgika, Zipre, Eslovenia, Espainia, Finlandia, Frantzia, Grezia, Irlanda, Italia, Luxenburgo, Malta, Herbehereak eta Portugal.
Europako Banku Zentrala da 15 herrialde hauen politika monetarioaren arduradun.
[aldatu] Europar Batasunarekin akordioak dituzten estatu eta lurraldeak
Monako, San Marino eta Vatikano Hiriak ere euroa erabiltzen dute, EBeko kide ez diren arren (aurrez euroagatik ordezkatuak izan diren monetak erabiltzen zituzten). Hiru Estatu hauek euren ikur propioak itsasten dizkiete atzealdean eurek emitituriko txanponei. EBeko hainbat herrialderekin adostu dute Euroaren erabilera, Italiarekin San Marino eta Vatikanoaren kasuan eta Frantziarekin Monakoren kasuan.
Mayotte eta Saint-Pierre eta Mikelune lurralde Frantziarrek ere euroa erabiltzen dute EBrekin duten hitzarmena tarteko, nahiz eta euren txanpon propioak emititzeko eskubiderik izan ez.
[aldatu] EBrekin hitzarmenik ez duten estatu eta lurraldeak
Andorrak ez du moneta ofizialik beraz, ez du dirurik emititzen. Euroaren aurretik pezeta espainiarra eta libera frantziarra erabiltzen zituzten unitate legal gisa. Espainia zein Frantziarekin sekula akordiorik izan ez zutenez, Andorra EBrekin negoziaketetan da Euroa printzerriko moneta ofizial izan dadin.
Era berean, Kosovo eta Montenegrok ere, aurrez marko alemaniarra erabiltzen zuten, euroa hartu dute moneta gisa EBrekin inolako hitzarmen formalik izan gabe.
Akrotiri eta Dhekeliako Base Burujabeek, itsasoz haraindiko lurralde britainiarrek (Zipreko uhartean kokatuak), moneta ofizialtzat libera zipretarra zuten Zipre Eurogunean sartu aurretik (2008ko urriaren 1a). Egun horretan euroa diru gisa onartzen lehen lurralde britainiar bilakatu ziren.
2002ko abenduaren 1etik, Ipar Koreak dolar estatu batuarra Euroagatik aldatu du nazioartean trukaketak egiteko, bere moneta ofizialak, won korearrak, ez baitu nazioartean baliorik eta ez baita trukagarria nazioarteko erosketetan erabiltzeko. Atzerritarren artean ere badu halako osperik ere, eta erabilia da oso.
2003ko Irakeko inbasioaren aurretik, Saddam Hussein presidenteak petrolioa saltzeko euroa erabiliko zuela esan zuen AEBetako dolarraren ordez, erosleen gehiengoa EBetik, Txinatik eta [[India]tik izaten baitzuen.
[aldatu] Beste estatu batzuk
[aldatu] Eurogunean ez dauden EBeko Estatuak
Euroa erabiltzen ez duten EBeko beste 12 estatuak hauek dira Bulgaria, Danimarka, Erresuma Batua, Suedia, Eslovakia, Estonia, Hungaria, Letonia, Lituania, Polonia, Txekiar Errepublika eta Errumania.
[aldatu] Azken bateratuak
2007ko maiatzaren 16an Europako komisioak begi onez ikusi zuen Zipre eta Maltak 2008ko urtarrilaren 1etik moneta hartzea. Gomendio hau EBeko Ekonomia eta Finantzetako Ministroen azken onespenaren baitan zegoen, zeina 2007ko uztailaren10ean gertatu zen. Beraz, Eurogunea 15 kidez osatua dago 2008az geroztik.
[aldatu] Eurogunetik kanpo euroarekin lotura duten estatuak
Bosnia-Herzegovinako marko aldagarria marko alemaniarrari loturik zegoen eta arrazoi hau tarteko euroarekiko aldatze tasa finkoa du.
CFA frankoak -aurrez libera frantziarrari lotua- 655,957 frankoko paritatea du euroarekiko, aurretik liberarekin zuen tasa bera.
[aldatu] Ikus, gainera
- Europar Batasuneko ekonomia
- Eurosistema
- Europako Banku Zentrala
- Egonkortasun eta Azkunde ituna
